Zeremi 15:8 - Labib An Kreol Seselwa

⁸ I annan pli bokou vev dan zot pei ki gren disab obor lanmer. Mon'n fer detri zot bann zennzan e zot manman in soufer. Mon'n anvoy langwas ek lafreyer pour anvai zot en sel kou.

Zeremi 15:8 ပူးပေါင်းရင်းမြစ်များ

Ezai 3:25

Ou bann zonm pou ganny masakre e ou bann gerye pou mor dan batay.

Ezai 3:26

Zot bann laport pou plennyen e lamante; i pou asiz ater, parey en fanm depouye.

Ezai 4:1

Sa zour, set fanm pou anpandan avek en sel zonm. Zot pou dir li: Nou ava rod nou manze nou menm, nou ava met nou prop lenz. Zis donn nou ou non. Fer disparet nou laont.

Zeremi 16:3

Annefe, la sa ki mwan SENYER, mon deklare lo sa ki pou arive avek bann zanfan ki'n ne dan sa pei, e avek zot paran:

Zeremi 18:21

Alor, les zot bann zanfan mor lafen; fer zot ganny touye dan lager. Pa les zot bann fanm ganny ankor zanfan e ki zot vin vev. Fer ki zot mari i mor avek en lepidemi; e bann zennzan i ganny touye dan lager.

Zeremi 22:7

Mon pou anvoy bann zonm detri ou. Sakenn avek son zouti, pou koup ou bann pli zoli pye sed, e zet zot dan dife.

Zeremi 4:16

Zot pe vin averti bann nasyon e fer Zerizalenm konnen ki lennmi pe vini, sorti lwen.

Zeremi 5:6

Pour sa rezon, lyon sorti dan lafore pou atak zot. Loulou sorti dan dezer pou devor zot. Leopar in kasyet pre avek zot lavil. Sa enn ki sorti pou ganny devore. Zot in fer bokou pese; zot in abandonn mwan plizyer fwa.

Zeremi 6:26

La sa ki SENYER i deklare: Mon pep! Met ou lenz dey, roul ou dan lapousyer. Fer dey parey ou ti pou fer pour lanmor ou sel garson ki ou annan. Sant bann kantik tris, akoz lennmi pe vini e dan en sel kou i pou detri ou.

Lamantasyon 5:3

Nou'n vin bann orfelen, san papa. Nou bann manman in vin parey bann vev.

Ezekyel 22:25

Son bann profet i parey bann lyon ki kriye e desir en zannimo ki zot in atrape. Zot in touy dimoun, vol zot larzan ek zot byen presye e les deryer en kantite vev.

Oze 4:5

An plen zour, ou pou tonbe. Bann profet ki kot ou, pou osi tonbe pandan lannwit. Mon pou detri ou manman.

Levanzil dapre Lik 21:35

parey en pyez, akoz i pou tonm lo tou bann zabitan later.