Zeremi 15:7 - Labib An Kreol Seselwa

⁷ Partou dan bann lavil, mon'n servi mon fours pour senm zot dan divan parey lapay. Mon'n detri mon pep konpletman, mon'n touy son bann zanfan, akoz i pa'n oule sanz son mannyer viv.

Zeremi 15:7 ပူးပေါင်းရင်းမြစ်များ

Psonm 1:4

I pa parey bann malfeter: Zot koman lapay ki voltize dan divan.

Ezai 41:16

Ou pou vann zot e zot pou anvole dan divan; tanpet pou dispers zot. Apre sa, ou pou dan lazwa akoz SENYER; ou pou met ou lafyerte dan Bondye sen Izrael.

Ezai 9:12

Bann Arameen lo kote Les, bann Filisten lo kote Was, zot in devor Izrael avek lapeti. Malgre sa, lakoler SENYER pa'n kalme; son lanmen in reste touzour menasan.

Ezai 9:13

Lepep pa retourn ver sa enn ki'n pini li, i pa tourn ver SENYER liniver.

Zeremi 18:21

Alor, les zot bann zanfan mor lafen; fer zot ganny touye dan lager. Pa les zot bann fanm ganny ankor zanfan e ki zot vin vev. Fer ki zot mari i mor avek en lepidemi; e bann zennzan i ganny touye dan lager.

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Zeremi 51:2

Mon pou anvoy bann etranze kont Babilonn ki pou vid sa pei. Zot sorti dan tou kwen. Sa zour la, zot pou vin par tou kote e zot pou ravaz pei.

Zeremi 9:21

Lanmor in mont kot nou par lafnet; in antre dan nou zoli lakaz; i'n pran bann zanfan dan lari, ek bann zennzan dan bann plas piblik.

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Ezekyel 24:25

Ekoute, ou ki en imen: Sa zour, mon pou pran sa ki fer zot lafors, zot lazwa, zot lafyerte, zot plezir e satisfer dezir zot leker. Mon pou osi pran zot bann garson ek zot fiy.

Ezekyel 36:12

Mon pou plas bann nasyon lo ou, Izrael, mon pep. Zot pou pran ou koman zot posesyon e zot bann zanfan pa pou ganny detri.

Zakari 1:4

Pa fer parey zot bann zanset avek ki bann ansyen profet ti anonse: La sa ki SENYER liniver i deklare: Retournen! Kit zot bann move semen ek zot bann move mannyer fer! Me, zot pa ti ekout mwan; zot pa ti pret atansyon, SENYER liniver i deklare.

Matye 3:12

Son fours i dan son lanmen, pour li separ lagrenn ek lapay. I pou anmas lagrenn dan son langar rezerv, me i pou bril lapay dan dife ki pa zanmen tennyen.”

Deterononm 28:18

Zanfan sorti dan ou vant pou ganny modi, prodwi ou later osi, porte ou bef, ou mouton ek ou kabri; tou pou ganny modi.

Deterononm 28:32

Devan ou lizye, ou bann garson, ou bann fiy ava ganny donnen avek en lot pep. Tou le zour, ou ava rod zot avek ou lizye gran ouver; me ou pa pou kapab fer nanryen.

Deterononm 28:41

Ou pou ganny bann garson ek bann fiy, me zot pa pou reste avek ou, akoz zot pou ganny anmennen annegzil.