Zeremi 15:6 - Labib An Kreol Seselwa

⁶ Ou'n rezet mwan, SENYER i deklare. Ou'n vir ou ledo avek mwan. Alor, mon pran aksyon pour mwan pini ou, akoz mon fatige pran konpasyon anver ou.

Zeremi 15:6 ပူးပေါင်းရင်းမြစ်များ

Ezai 1:4

Maler! Nasyon koupab: Pep sarze avek krim, ras ki fer sa ki mal, zanfan koronpi. Zot in abandonn SENYER. Zot in mepriz Bondye Sen Izrael. Zot in tourn zot ledo avek li e zot kontinyen revolte!

Ezai 28:13

Alor, SENYER pou ansenny laliny apre laliny, laliny apre laliny, en pe isi, en pe laba. Konmsa, zot ava marse, tonm par ledo e kas zot lezo; zot ava ganny atrape e ganny fer prizonnyen.

Ezai 31:3

Bann Ezipsyen i bann imen, zot pa Bondye; zot bann seval i annan laser, zot pa en lespri. Ler SENYER i lev son lanmen, sa enn ki port sekour pou kilbite, sa enn ki ganny sekour pou tonbe e tou le de pou mor ansanm.

Zeremi 1:16

Konmsa ki mon pou pini bann zabitan sa pei, pour tou zot mesanste. Zot in abandonn mwan; zot in ofer sakrifis devan lezot bondye; zot in fabrik bann fo bondye ki zot in adore.

Zeremi 13:14

Mon pou bat zot latet ansanm, papa kont zanfan, SENYER i deklare. Personn pa pou ganny eparnyen. Mon pa pou annan okenn bonte, okenn pitye, okenn konpasyon. Personn pa pou anpes mwan detri zot.

Zeremi 2:13

Wi! Mon pep in komet de pese: In abandonn mwan, sa sours delo fre, pour al fouy bann pwi ki annan trou e pa gard delo.

Zeremi 2:17

Izrael! Tousala in ariv ou akoz ou'n abandonn SENYER, ou Bondye ler i ti pe gid ou lo ou semen.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 20:9

Si mon dir dan mwan menm: Mon ava oubliy SENYER, e mon pou nepli koz lo son non, ou parol i vin parey en dife ki brile dan mwan. Mon esey tou pour reziste, me mon pa kapab.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Zeremi 6:11

Mon ranpli avek lakoler SENYER, ki bril dan mwan; mon nepli kapab tenir. Tir ou lakoler lo bann zanfan dan lari, lo tou bann zennzan. Tou dimoun pou ganny deporte, mari ek fanm; menm bann vyeyar. Personn pa pou ganny eparnyen.

Zeremi 6:12

Zot lakaz pou pas dan lanmen en lot dimoun, ansanm avek zot later ek zot fanm, SENYER i deklare. Wi! Mon pou pini zabitan sa pei.

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Zeremi 7:16

Zeremi! Pa bezwen priy pour sa pep. Pa bezwen pled dan zot faver avek mwan; pa ensiste avek mwan pour zot, akoz mon pa pou ekout ou.

Zeremi 7:24

Me zot pa'n ni obei, ni ekout mwan. Dan zot lantetman, zot in deside swiv sa ki zot move leker ti dir zot fer. Zot in elwanny zot ek mwan e zot in vir zot ledo kont mwan.

Zeremi 8:5

Alor, akoz pep Zerizalenm ki'n egare, i persiste dan son move semen? Zot kontinyen ador bann fo bondye e zot refize retourn ver mwan.

Zeremi 8:9

Bann ki dir zot saz, in kanmi. Zot in pri e zot per, akoz zot in rezet parol SENYER. Oli zot lasazes?

Ezekyel 14:9

Si en profet i les li ganny tronpe e reponn par son prop lotorite, mwan SENYER ki pou tronp li. Mon pou montre li mon pwisans e mon pou fer li disparet parmi mon pep, Izrael.

Ezekyel 25:7

mon pou pran aksyon kont ou. Mon pou livre ou dan lanmen bann etranze e ou pou ganny depouye. Mon pou fer ou disparet koman en nasyon e detri ou pei konpletman. Alor, ou ava konnen ki mwan menm SENYER.

Ezekyel 35:3

Dir zot: La sa ki Senyer BONDYE i deklare: Mon pou pran aksyon kont ou, montanny Edonm! Mon pou montre mon pwisans e ou pou vin en landrwa dezer.

Oze 11:7

Mon pep i antete pour elwanny zot avek mwan. Zot ganny apele lao, me personn pa leve.

Oze 13:14

Mon pou liber zot dan lemonn lanmor. Mon pou sov zot dan pouvwar lanmor. Lanmor! Oli ou bann zarm? Lanmor, montre ou pouvwar touye! Mon pou nepli annan pitye pour sa pep.

Oze 4:16

Izrael i retif parey en zenis ki refize bouze. Eski SENYER pou tret li parey mouton dan laplenn?

Sofoni 1:4

Mon pou lev mon lanmen kont Zida e kont tou zabitan Zerizalenm. Mon pou fer disparet dan sa landrwa, bann Baal ki reste, menm non bann pret ki ti servi li.

Zakari 7:11

Me zot ti refize ekoute. Zot ti tourn ledo e bous zot zorey pour zot pa tande.