Zeremi 15:4 - Labib An Kreol Seselwa

⁴ Kan zot ava war sa pep, tou bann rwayonm lo later pou tranble avek lafreyer. Sa i rezilta tou sa ki Manase, garson Ezekyas ti fer dan Zerizalenm, letan i ti lerwa Zida.

Zeremi 15:4 ပူးပေါင်းရင်းမြစ်များ

2 Rwa 21:1

Manase ti annan 12 an ler i ti vin lerwa. I ti renny pandan 55 an dan Zerizalenm. Son manman ti apel Hefsi-Ba.

2 Rwa 21:15

akoz zot in fer sa ki depler mwan e provok mwan, depi zour zot bann zanset ti sorti Lezip ziska ozordi.

2 Rwa 21:2

Manase ti fer sa ki depler SENYER, i ti pratik bann aksyon degoutan parey bann nasyon ki SENYER ti'n sase devan pep Izrael.

2 Kronik 33:1

Manase ti annan 12 an ler i ti vin lerwa. I ti renny pandan 55 an dan Zerizalenm.

2 Kronik 33:2

I ti fer sa ki mal devan SENYER. I ti swiv tou bann pratik degoutan parey lezot bann nasyon ki SENYER ti'n fer disparet devan bann Izraelit.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Zeremi 29:18

Mon pou kontinyen pourswiv zot avek lager, lafanmin e lepidemi, de sort ki tou bann rwayonm lo later ava tranble avek lafreyer kan zot ava war tousala. Partou kot mon pou dispers zot, dimoun pou soke e zot pou per kan zot ava war sa ki'n ariv zot. Dimoun pou mepriz zot e zot non pou vin en malediksyon.

Zeremi 34:17

Alor, la sa ki SENYER i deklare: Zot pa'n obei mwan, akoz zot pa'n liber zot frer e zot prosen, parey mon ti'n ordonn zot. Pour sa rezon, mon pou rann ou lib: Ou pou lib pour ou ganny detri dan lager, par lepidemi ek lafanmin. SENYER ki deklare. Alor, tou bann rwayonm lo later pou tranble avek lafreyer kan zot ava war ou.

Zeremi 9:16

Mon pou anvoy li annegzil dan en kantite pei diferan ki ni li, ni son zanset pa'n deza antann koze. Mon pou anvoy bann gerye kont li ziska ki mon ava'n detri li konpletman.

Lamantasyon 1:8

Zerizalenm in fer bokou pese; in sali son lekor. Tou dimoun ki ti annan respe pour li, pe mepriz li aprezan, akoz zot in war son touni. Li menm i onte e i kasyet son figir.

Ezekyel 18:19

Selman, ou demande: Akoz en garson pa responsab pese son papa? En garson ki'n respekte lalwa e fer sa ki zis, ki obei tou mon komannman, i pou sirman viv.

Ezekyel 23:46

La sa ki Senyer BONDYE i deklare: Rasanble lepep kont zot; fer zot tranble; depouy zot avek tou sa ki zot posede.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Deterononm 28:25

SENYER pou donn laviktwar ou bann lennmi; ou ava atak zot lo en kote e ou ava sov par set kote. Ou ava vin en size ki fer per tou bann rwayonm lo later.

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.