Zeremi 15:16 - Labib An Kreol Seselwa

¹⁶ SENYER, Bondye liniver! Kan ou ti koz avek mwan, mon ti ekout tou sa ki ou ti dir Kan ou ti koz avek mwan, mon ti devor ou parol. In ranpli mon leker avek lazwa e kontantman e mon'n vin ou zanfan.

Zeremi 15:16 ပူးပေါင်းရင်းမြစ်များ

Nehemi 8:12

Tou dimoun ti al sakenn dan son kote pour manze, bwar, e partaze, pour montre zot gran lazwa, akoz zot ti'n konpran bann parol ki ti'n ganny lir avek zot.

Liv Zob 23:12

Mon'n touzour fidel anver bann komannman ki i'n donn mwan; mon'n gard dan mon leker, tou son bann parol.

Psonm 119:111

Ou bann lord i mon patrimwann pour touzour. Zot met lazwa dan mon leker.

Psonm 119:16

Mon pran plezir dan ou bann regleman; mon pa pou oubliy ou parol.

Psonm 119:72

Lalwa ki sorti dan ou labous i pli bon pour mwan ki milyon lobze annor e annarzan.

Psonm 119:97

Pa mon kontan ou komannman! Mon medit lo la tou le zour.

Psonm 19:10

Zot pli presye ki lor, ki en kantite lor pir. Zot pli dou ki dimyel, ankor pli dou ki dimyel ki koule dan gof.

Zeremi 14:9

Akoz ou fer sanblan ki ou'n perdi ou lafors, parey en ero ki nepli kapab sov personn? Pourtan, SENYER, ou la parmi nou; ou non in ganny envoke lo nou. Pa les nou tonbe.

Ezekyel 2:8

Me ou ki en imen, ekout sa ki mon pou dir ou: Pa bezwen ki ou revolte kont mwan parey sa pep rebel. Ouver ou labous e manz sa ki mon pou donn ou.

Mise 2:7

Fanmir Zakob, konmsa ki zot koze? Eski pasyans SENYER in fini? Konmsa ki i azir? Mon parol pa fer dibyen bann ki mars dan bon semen.