Zeremi 15:14 - Labib An Kreol Seselwa

¹⁴ Mon pou fer zot vin lesklav zot lennmi dan en pei ki zot pa konnen. Mon lakoler in alimen parey en dife ki pe bril kont zot.

Zeremi 15:14 ပူးပေါင်းရင်းမြစ်များ

Psonm 21:9

Zour ou pou aparet, ou pou fer zot vin parey en gran dife. Dan son gran lakoler, SENYER pou anval zot e sa gro dife pou detri zot.

Ezai 42:25

Pour sa rezon ki i devers lo son pep larder son lakoler e vyolans lager. I'n met dife partou, me zot pa'n oule konpran; i'n bril tou, me zot pa'n pran kont.

Zeremi 14:18

Kan mon al dan lakanpanny, mon war zis kadav dimoun ki'n ganny masakre. Kan mon retourn dan lavil, mon war dimoun ki pe mor lafen. Profet avek pret i vwayaz atraver pei; me zot pa konpran nanryen.

Zeremi 15:4

Kan zot ava war sa pep, tou bann rwayonm lo later pou tranble avek lafreyer. Sa i rezilta tou sa ki Manase, garson Ezekyas ti fer dan Zerizalenm, letan i ti lerwa Zida.

Zeremi 16:13

Pour sa rezon, mon pou sas zot dan sa pei; mon pou anvoy zot dan en pei ki ni zot zanset, ni zot menm zot pa konnen. Laba, zot ava ador bann fo bondye, lannwit koman lizour, e mon pa pou montre zot mon labonte.

Zeremi 17:4

Ou pou bezwen rann sa pei ki mon ti'n donn ou. Mon pou fer ou vin lesklav dan en pei lennmi ki ou pa konn ditou, akoz ou'n fer mon lakoler alimen parey en dife ki pa pou zanmen tennyen.

Zeremi 4:4

Zot ki viv dan Zida e zot bann zabitan Zerizalenm, sirkonsi zot pour SENYER. Sirkonsi zot leker pour li. Sankwa, akoz pese ki zot in komet, mon lakoler pou tonm lo zot, e bril zot parey en dife ki pou devaste tou san ki i annan personn pour tennyen.

Zeremi 52:27

ki dan teritwar Hamat. La, lerwa ti met zot tou anmor. Konmsa ki pep Zida ti ganny deporte lwen avek son pei.

Amos 5:27

mon pou anvoy zot annegzil lo lot kote Damas. Mwan, SENYER, Bondye liniver ki deklare: Sa i mon non.

Deterononm 28:25

SENYER pou donn laviktwar ou bann lennmi; ou ava atak zot lo en kote e ou ava sov par set kote. Ou ava vin en size ki fer per tou bann rwayonm lo later.

Deterononm 28:36

SENYER ava anmenn ou avek ou lerwa ki ou ava'n swazir, kot en nasyon ki ni ou ni ou bann zanset pa'n konnen. La, ou ava servi lezot bondye an bwa e an ros.

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.

Deterononm 29:23

Son pei antye in ganny brile par souf ek disel, napa nanryen ki pouse, okenn boutir, okenn vezetasyon; parey dan destriksyon ki ti ariv avek Sodonm ek Gomor, Adma ek Zeboim ki SENYER ti detri dan son gran lakoler.

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.

Ebre 12:29

Annefe, nou Bondye i en dife ki devor tou.