Zeremi 15:1 - Labib An Kreol Seselwa

¹ La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 15:1 ပူးပေါင်းရင်းမြစ်များ

Zenez 19:27

Granmaten, Abrahanm ti retourn dan sa landrwa kot i ti'n deza debout dan prezans SENYER.

2 Rwa 17:20

SENYER ti rezet tou bann desandan Izrael; i ti pini zot, e livre zot dan lanmen bann nasyon ki ti depouy zot, ziska ki i ti sas zot lwen avek li.

Psonm 106:23

I ti deside alor, pour detri zot. Me Moiz ki i ti'n swazir, ti entervenir devan li pour ki dan son lakoler, i pa detri zot.

Psonm 99:6

Moiz ek Aaron ti parmi son bann pret. Samyel osi ti parmi bann ki ti envok son non.

Proverb 14:35

Lerwa i apresye en serviter ki azir avek pridans; son lakoler i pour sa enn ki fer li onte.

Zeremi 10:18

Annefe, la sa ki SENYER i deklare: Mon pou sas ou dan sa pei, e deport ou. Mon pou anserkle zot pour ki personn pa sape.

Zeremi 11:14

Zeremi! Pa bezwen priy pour sa pep. Pa bezwen fer mont kot mwan okenn lapriyer pour zot; pa bezwen pled avek mwan pour zot. Kan zot ava dan traka e apel mwan pour ed zot, mon pa pou ekout zot.

Zeremi 14:11

SENYER ti dir mwan, “Pa demann mwan fer nanryen pour ed sa pep.

Zeremi 14:12

Menm si zot fer en zenn, mon pa pou ekout zot lapriyer; menm si zot ofer mwan bann sakrifis konplet ek lofrann vezetal, mon pa pou aksepte. O kontrer, mon pou detri zot par lager, lafanmin ek lepidemi.”

Zeremi 15:19

SENYER ti reponn: Si ou repanti, mon pou repran ou koman mon serviter parey avan. Si, olye dir bann parol ki pa fer sans, ou proklanm en mesaz serye, mon pou repran ou koman mon profet. Les sa pep tourn ver ou; pa ou ki bezwen tourn ver li.

Zeremi 16:13

Pour sa rezon, mon pou sas zot dan sa pei; mon pou anvoy zot dan en pei ki ni zot zanset, ni zot menm zot pa konnen. Laba, zot ava ador bann fo bondye, lannwit koman lizour, e mon pa pou montre zot mon labonte.

Zeremi 16:5

Annefe, la sa ki SENYER i deklare: Pa antre dan okenn lakaz kot i annan en lanmor; pa asiste okenn lanterman, akoz mon'n aret beni mon pep, e mon nepli montre mon labonte ek mon lafeksyon anver li, SENYER i deklare.

Zeremi 18:20

Eski dimoun i rann lemal pour lebyen? Zot in fouy en trou pour fer mwan tonbe. Rapel kan mon ti koz avek ou dan zot faver, pour ki ou pa vin ankoler kont zot.

Zeremi 22:28

Dimoun i demande: Eski Yoyakim in vin parey en gargoulet kase, ki'n ganny zete akoz i initil? Akoz li ek son bann zanfan, zot in ganny deporte dan en pei ki zot pa konnen?

Zeremi 23:39

Mon pou debaras mwan avek ou e avek sa lavil ki mon ti donn ou ek ou bann zanset.

Zeremi 35:19

Alor, la sa ki SENYER liniver, Bondye Izrael i deklare: Pour sa rezon, Yonadab, garson Rekab pou touzour annan en desandan pour servi mwan.

Zeremi 52:3

Zerizalenm ek Zida ti provok lakoler SENYER ziska i ti rezet zot, lwen avek li. Sedesyas ti revolte kont lerwa Babilonn.

Zeremi 9:19

Sa tapaz plere in ganny tande dan Zerizalenm: Nou'n ganny rinen! Nou onte! Nou bezwen kit nou pei. Lennmi in detri nou lakaz.

Ezekyel 14:14

Menm si sa trwa zonm i parmi zot: Noe, Danyel ek Zob, zis zot ki ava sov zot lavi, par zot fidelite, Senyer BONDYE ki deklare.

Ezekyel 22:30

Mon'n rod parmi zot en zonm ki kapab konstri en miray, ki kapab debout devan mwan kot miray in kase pour byennet pei, pour ki mon pa detri li. Me mon pa'n trouv personn.

Oze 9:15

Tou zot move aksyon ti konmans depi Gilgal; la ki mon ti konmans deteste zot. Akoz zot move aksyon, mon pou sas zot se mwan. Mon pa pou kontinyen kontan zot; zot bann sef, zot tou, zot bann rebel.

Zakari 3:3

Zozye ti pe debout devan lanz dan en lenz sal.

Deterononm 9:26

Mon ti priy SENYER. Mon ti dir li: Senyer BONDYE, pa detri sa pep ki, dan ou grander, ou'n sove, ki par ou pwisans, ou'n fer sorti Lezip.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

Ziz 5:9

Beni SENYER! Mon leker i tourn ver bann komandan dan Izrael; ver sa bann ki parmi lepep, ki port zot volonter.

1 Samyel 12:19

Lepep antye ti dir Samyel, “Priy SENYER ou Bondye pour nou, ou bann serviter, pour ki nou pa mor, akoz, avek tou nou pese, nou'n azout sa enn, an demandan en lerwa.”

1 Samyel 12:23

Mon pa pou zanmen aret priy SENYER pour zot e fer pese kont li. Mon pou ansenny zot semen ki bon e drwat.

1 Samyel 7:9

Samyel ti pran en pti mouton ki ti ankor pe tete, e ofer koman sakrifis konplet devan SENYER. Samyel ti enplor SENYER pour pep Izrael, e SENYER ti reponn.