Zeremi 14:9 - Labib An Kreol Seselwa

⁹ Akoz ou fer sanblan ki ou'n perdi ou lafors, parey en ero ki nepli kapab sov personn? Pourtan, SENYER, ou la parmi nou; ou non in ganny envoke lo nou. Pa les nou tonbe.

Zeremi 14:9 ပူးပေါင်းရင်းမြစ်များ

2 Kronik 7:14

si mon pep ki port mon non, i imilye li, priye e rod mwan; si zot abandonn zot bann move kondwit, mon pou ekout zot depi lao dan lesyel, e pardonn zot pese e geri zot pei.

Psonm 10:1

SENYER! Akoz ou reste lwen avek mwan? Akoz ou kasyet ou kan mon dan maler?

Psonm 27:9

Pa kasyet ou vizaz; ou'n touzour ed mwan. Pa rezet mwan ou serviter, avek lakoler. Ou ki'n delivre mwan, pa rezet mwan, pa abandonn mwan. Ou Bondye ki delivre mwan.

Psonm 46:5

Bondye i dan milye lavil; i pa pou ganny detri. Koman soley i leve, Bondye i la pour protez li.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezai 43:7

Retournen, zot tou ki port mon non, zot ki mon'n kree pour mon laglwar, ki mon'n formen e fer.

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Ezai 59:1

Pa krwar lebra SENYER i tro kourt pour li pa kapab sove; ni son zorey tro dir pour li pa tande.

Ezai 63:19

Depi lontan nou'n vin sa bann ki ou nepli gouvernen, sa pep ki pa ganny apele par ou non.

Zeremi 15:16

SENYER, Bondye liniver! Kan ou ti koz avek mwan, mon ti ekout tou sa ki ou ti dir Kan ou ti koz avek mwan, mon ti devor ou parol. In ranpli mon leker avek lazwa e kontantman e mon'n vin ou zanfan.

Zeremi 51:5

Izrael ek Zida, pa'n ganny prive par zot Bondye, SENYER liniver; menm si pei Babilonn i ranpli avek pese kont Bondye Sen Izrael.

Zeremi 8:19

Ekoute! Partou dan pei, mon pep pe kriy osekour: Eski SENYER in abandonn Zerizalenm? Eski son lerwa in rezet li? SENYER zot lerwa i reponn: Zot in fabrik bann fo bondye e zot in ador bann bondye etranze. Sanmenm sa ki fer mwan ankoler. Akoz zot ti fer sa?

Lamantasyon 5:20

Akoz ou'n oubliy nou pour touzour? Eski ou pou abandonn nou tou dilon nou lavi?

Ezekyel 48:35

Dezormen, Lavil pou antoure avek en miray 9,000 met toultour. Dezormen, lavil pou apel: SENYER i la.

Habakouk 1:2

SENYER! Ziska kan, mon pou kontinyen kriy osekour me ou pa ekoute? Ziska kan mon pou kriy ver ou kont vyolans? Me ou pa delivre mwan.

Zakari 2:5

La sa ki SENYER liniver i deklare, “Deor, mon pou en miray dife otour li. Anndan, mon pou son laglwar.”

Zakari 8:3

La sa ki SENYER i deklare: Mon pou retourn Siyon. Mon pou reste ankor dan milye Zerizalenm. Zerizalenm pou ganny apele Lavil Fidelite. Montanny SENYER liniver pou ganny apele Montanny Sakre.

Nonm 11:23

SENYER ti reponn Moiz, “Eski lebra SENYER i tro kourt? Mon pou fer ou war, si sa ki mon'n dir pou arive oubyen non.”

Akt de Zapot 15:17

pour ki leres dimoun i rod Senyer, ensi ki tou bann nasyon ki port mon non. Sanmenm sa ki Senyer in deklare,

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

Deterononm 23:14

Akoz SENYER, ou Bondye i avek ou dan kan pour li protez ou e donn ou laviktwar lo ou bann lennmi, ou kan i devret en landrwa sen, pour ki SENYER pa war nanryen ki fer onte parmi zot e vir son ledo kont ou.

Deterononm 28:10

Tou bann pep lo later ava war ki ou en pep konsakre pour SENYER e zot ava per ou.

Ebre 13:5

Pa les lanmour pour larzan domin zot lavi. Me kontant zot avek sa ki zot annan, akoz Bondye li menm ti dir: Mon pa pou zanmen negliz ou, mon pa pou zanmen abandonn ou.

Revelasyon 21:3

Mon ti antann en lavwa for sorti kot tronn kriye: La aprezan, Bondye in fer son demer parmi zonm. I pou reste avek zot. Zot pou vin son pep, e i pou vin zot Bondye.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.