Zeremi 14:21 - Labib An Kreol Seselwa

²¹ Akoz ou promes, pa mepriz nou. Pa anmenn dezoner lo Zerizalenm, la kot tronn ou laglwar i'n ganny etabli. Pa kas sa lalyans ki ou ti fer avek nou.

Zeremi 14:21 ပူးပေါင်းရင်းမြစ်များ

Psonm 106:40

Alor, lakoler SENYER ti monte kont son pep e i ti degout zot.

Psonm 106:45

i ti rapel son lalyans avek zot. Dan son gran fidelite, i ti pran konpasyon pour zot.

Psonm 145:11

Zot ava koz lo laglwar ou renny e rakont ou pwisans.

Psonm 25:11

SENYER! Pour loner ou non, pardonn mwan bann gro pese ki mon'n fer.

Psonm 51:11

Pa rezet mwan lwen avek ou; pa retir ou Lespri dan mwan.

Egzod 32:13

Mazin Abrahanm, Izaak ek Izrael, ou bann serviter avek ki ou menm, ou ti fer en serman: Mon pou ogmant zot desandans parey zetwal dan lesyel; mon pou donn zot sa pei ki mon'n promet zot desandans pour touzour.”

Ezai 62:6

Zerizalenm! Mon'n plas bann santinel lo miray; lizour koman lannwit zot pou veye san poze. Fer SENYER rapel son bann promes; napa repo pour zot.

Zeremi 14:19

Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Zeremi 14:7

Mon pep i kriy ver mwan: Menm si nou pese i akiz nou, ed nou, SENYER, pour loner ou non. Plizyer fwa nou'n tourn nou ledo kont ou; nou'n komet bokou pese kont ou.

Zeremi 17:12

I annan en tronn glorye lao dan lesyel depi konmansman lemonn. Sa i lanplasman pour nou sanktyer.

Zeremi 3:17

Kan sa zour i arive, Zerizalenm pou ganny apele Tronn SENYER e tou bann pep pou rasanble la, pour rankontre mwan. Zot pou nepli swiv dezir zot move leker.

Lamantasyon 1:10

Lennmi in poz son lanmen lo tou son bann trezor. Son pep in war bann pep etranze antre dan tanp kot SENYER li menm ti defann zot antre.

Lamantasyon 2:20

SENYER! Lev ou lizye. Gete! Lekel ki ou'n tret konmsa? Eski bann manman i kapab manz zot prop zanfan, zanfan ki zot in kontan? Eski fodre ki bann pret ek bann profet zot ganny touye dan sanktyer SENYER?

Ezekyel 20:22

Me mon pa ti fer li; mon ti azir an konsiderasyon mon loner pour ki mon non pa ganny profannen parmi bann nasyon ki ti war kan mon ti fer zot sorti Lezip.

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Ezekyel 39:25

La sa ki Senyer BONDYE i deklare: Dezormen, mon pou pran pitye pour pep Izrael, mon pou sanz desten desandan Zakob; mon pou reklanm respe pour mon non sen.

Ezekyel 43:7

Sa lavwa ti dir mwan: Ou ki en imen, ekoute! Isi i landrwa kot mon tronn i ete; la kot mon poz mon lipye. Mon pou reste parmi pep Izrael pour touzour. Ni pep Izrael, ni son bann lerwa pa pou dezonor mon non sen ankor par zot lavi prostitisyon e par bann kadav zot bann lerwa lo zot bann oter.

Danyel 9:7

Senyer, lazistis i pour ou! Me nou, nou kouver avek laont. Pep Zida, zabitan Zerizalenm, pep Izrael antye, bann ki pre e bann ki lwen, partou dan bann pei kot ou'n dispers nou, akoz sa pese lenfidelite ki zot in komet kont ou.

Levitik 26:11

Mon pou vin reste parmi zot; mon pa pou abandonn zot.

Amos 6:8

Senyer BONDYE, par en serman, SENYER, Bondye liniver i deklare: Lorgey pep Izrael i degout mwan; mon deteste lorgey lafanmir Zakob ek son bann pale. Mon pou livre lavil Samari dan lanmen lennmi ek tou sa ki ladan.

Levanzil dapre Lik 1:72

In montre son bonte anver nou bann zanset e i pa'n oubliy son lalyans sen.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Efezyen 2:7

I ti fer sa pour montre pour bann syek plitar, larises ekstraordiner son lagras par labonte ki i'n montre pour nou dan Zezi-Kri.

Deterononm 32:19

SENYER ti war sa e i ti vekse. I ti rezet son bann garson ek son bann fiy.

Revelasyon 11:2

Me pa mezir lakour eksteryer Tanp, akoz i'n ganny abandonnen avek bann nasyon ki pou kraz lavil sen pandan 42 mwan.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.