Zeremi 14:2 - Labib An Kreol Seselwa

² Zida i an dey; son bann lavil pe tonm anrin. Son bann zabitan pe asiz ater. Zerizalenm pe kriy ver lesyel.

Zeremi 14:2 ပူးပေါင်းရင်းမြစ်များ

Liv Zob 34:28

Alor, zot in pous bann pov pour kriy ver Bondye e i ti antann lapriyer sa bann malere.

Psonm 144:14

Nou bann bef i plenn e napa okenn difikilte met ba. Nou pa antann okenn kriye dan landrwa piblik.

Egzod 2:24

Bondye ti antann zot soupir. I ti rapel son lalyans ki i ti'n fer avek Abrahanm, Izaak ek Zakob.

Ezai 15:5

Mon leker pe lamante pour Moab. Son bann zabitan pe sove ziska Soar e ziska Eglat-Selisya. Dan monte Louit zot pe plere. Zot pous en kri dezespwar lo semen ki al Horonaim.

Ezai 24:11

Dimoun i kriye dan semen; nepli annan diven; nepli annan lazwa; nepli annan lazwa lo later.

Ezai 24:4

Later pe sek e i pe tonm anrin; lemonn in delabre e pe tonm anrin; lesyel pe langir ansanm avek later.

Ezai 24:7

Diven i an dey, plantasyon rezen pe deperi. Dimoun ki ti pe anmize in vin tris.

Ezai 3:26

Zot bann laport pou plennyen e lamante; i pou asiz ater, parey en fanm depouye.

Ezai 33:9

Pei i an dey, i pe langir; Liban i ganny kouver avek laont, i pe deperi; Laplenn Saronn in vin parey en dezer; Bann pye dibwa lo montanny Basann ek Karmel in perdi zot fey.

Ezai 5:7

Plantasyon rezen SENYER liniver se pep Izrael; Sa plan rezen ki i ti telman kontan, se pep Zida. SENYER ti pe esper ladrwatir sorti ladan, me ti annan zis versman disan. I ti pe esper lazistis, me i ti antann zis bann malere kriye.

Zeremi 11:11

Akoz sa, la sa ki SENYER, i deklare: Mon pou fer en maler tonm lo zot e zot pa pou kapab sape. Zot ava apel mwan; mon pa pou ekout zot.

Zeremi 12:11

Zot in fer li vin en rezyon devaste ki'n ganny marke par dey. Pei antye in ganny detri e personn pa pran okenn ka.

Zeremi 12:4

Later i sek, zerb in fletri. Zannimo ek zwazo pe mor. Tousala, akoz mesanste sa bann dimoun ki'n dir: Bondye pa war sa ki nou pe fer.

Zeremi 18:22

Anvoy bann gerye pour detri zot lakaz, pour ki zot ava kriye dan douler. Zot in fouy en trou pour mwan tonm ladan; zot in kasyet bann latrap pour pran mwan par lipye.

Zeremi 4:28

Pour sa rezon, later pou an dey. Lesyel pou vin nwanr. Annefe, mon'n dir e mon'n deside, mon pa regret nanryen, mon pa pou retourn annaryer.

Zeremi 46:12

Tou bann nasyon in aprann ou laont; partou, dimoun in antann ou pe kriye. Bann gerye i tap ek kanmarad e tou le de zot tonbe.

Zeremi 8:21

Mon leker i fermal akoz mon pep in ganny kraze. Mon vreman tris; mon dan dezespwar.

Lamantasyon 2:8

SENYER in deside met anrin tou bann miray ki protez Zerizalenm. I ti fer mezire e fer sir ki tou ti ganny kraze. Aprezan, son bann tour ek bann miray in vin zis en ta debri.

Lamantasyon 2:9

Bann gran laport in ganny met ater. Bann fermtir in ganny kase an morso. Lerwa ek son bann zofisye in ganny anvoye annegzil. Lalwa nepli ganny ansennyen; bann profet nepli ganny vizyon sorti kot SENYER.

Lamantasyon 5:10

Lafen pe touy nou; nou lapo pe brile parey en four.

Oze 4:3

Pour sa rezon pei pou dan dey, son bann zabitan pe deperi ansanm avek bann zannimo sovaz, bann zwazo dan lesyel. Menm bann pwason dan lanmer pe disparet.

Zoel 1:10

Bann plantasyon in ganny devaste, later i an dey, dible in ganny detri, nepli annan prodiksyon diven, nepli annan prodiksyon delwil.

Zoel 1:11

Kriye dan dezespwar, zot bann planter! Plere, zot bann travayer plantasyon rezen, akoz tou rekolt dible ek lorz in ganny detri.

Zoel 1:14

Donn lord pour fer en zenn. Rasanble bann zabitan pour en lasanble solannel! Rasanble bann ansyen ek tou zabitan dan pei, dan tanp SENYER zot Bondye e enplor SENYER.

Zoel 2:6

Lepep i tranble kan zot war sa; zot vin pal avek lafreyer.

Agze 1:11

Mon'n fer vin lasesres dan pei: Lo bann kolin, dan bann plantasyon dible ek plantasyon rezen, dan plantasyon zoliv. Nanryen pa pou ganny prodwir, ni dimoun, ni zannimo, ni later.

Zakari 7:13

La sa ki SENYER liniver i deklare: Parey zot pa ti ekout mwan kan mon ti apel zot, mwan osi, mon pou refize reponn zot kan zot ava apel mwan.

1 Samyel 5:12

Bann ki pa ti mor ti'n ganny bann boubou e zot demann pour sekour ti monte ziska lesyel.

1 Samyel 9:16

Demen, apepre menm ler, mon pou anvoy en zonm dan tribi Benzamen kot ou. Ou ava vers delwil lo li pour konsakre li, koman sef mon pep, Izrael. I pou delivre mon pep anba pouvwar bann Filisten. Mon'n war soufrans mon pep, e zot plent in ariv ziska kot mwan.