Zeremi 14:19 - Labib An Kreol Seselwa

¹⁹ Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Zeremi 14:19 ပူးပေါင်းရင်းမြစ်များ

2 Kronik 36:16

Me zot pa ti respekte bann mesaze Bondye. Zot pa ti pran ka; zot ti negliz Parol Bondye e monk son bann profet, ziska ki lakoler SENYER ti monte kont son pep; ti nepli annan okenn solisyon.

Liv Zob 30:26

Mon ti pe esper boner, me maler ki'n vini! Mon ti pe esper lalimyer, me fernwanr ki'n vini!

Psonm 78:59

Bondye ti ankoler kan i ti antann sa e i ti abandonn pep Izrael.

Psonm 89:38

Pourtan, ou'n rezet lerwa ki ou ti'n swazir; ou'n les li tonbe; ou'n pran lakoler kont sa enn ki ou ti'n konsakre.

Proverb 29:1

Sa enn ki ganny averti me ki rezenbe pour ganny tape en sel kou e san remed.

Zeremi 12:7

La sa ki SENYER i deklare: Mon'n abandonn Izrael; Mon'n rezet mon nasyon prefere. Mon'n livre sa pep ki mon kontan dan lanmen son bann lennmi.

Zeremi 12:8

Mon prop pep ki mon'n swazir in vir kont mwan. Parey en lyon dan lafore, in kriy avek mwan. Sa i fer mwan deteste li.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 15:18

Akoz mon pe kontinyen soufer? Akoz mon bann blesir pa pe geri? Zot pa pe sikatrize. Ou'n vreman dezapwent mwan parey en sours sek dan sezon lapli.

Zeremi 30:12

La sa ki SENYER i deklare: Ou maladi pa kapab ganny swannyen, ou blesir pa kapab geri.

Zeremi 30:13

Napa personn pou pran konsiderasyon pour ou. Napa remed pour ou bann boubou; napa okenn gerizon pour ou.

Zeremi 51:5

Izrael ek Zida, pa'n ganny prive par zot Bondye, SENYER liniver; menm si pei Babilonn i ranpli avek pese kont Bondye Sen Izrael.

Zeremi 6:30

Sa pep pou ganny apele: Larzan san okenn valer, akoz SENYER in rezet li.

Zeremi 7:29

La sa ki SENYER i deklare: Pep Zerizalenm! Koup zot seve long ki mark zot konsekrasyon. Zet li lo bann kolin; sant bann kantik dey, akoz SENYER, in rezet sa pep ki'n provok son lakoler.

Zeremi 8:15

Nou ti pe espere ki lape ava aranz tou e ki nou ti ava ganny en letan pour nou swanny nou bann blesir. Me nanryen pa'n arive. Olye sa, lafreyer ki'n tap nou.

Zeremi 8:22

Eski nepli annan remed dan Galaad? Nepli annan dokter laba? Akoz ki blesir mon pep pa'n geri?

Lamantasyon 2:13

Zerizalenm! Ki mon kapab dir dan ou faver? Avek ki mon kapab konpar ou? Ki mon kapab fer pour konsol ou? Zanmen personn in soufer parey ou. Dezas ki ou'n pas ladan i osi gran ki losean. Lekel ki pou kapab geri ou?

Lamantasyon 2:22

Ou'n envit mon bann lennmi par tou kote, konmsi en zour lafet. Zour lakoler SENYER ti leve, personn pa'n kapab sape; napa okenn sirvivan. Mon lennmi in masakre bann zanfan ki mon'n elve, e ki mon'n dorlote.

Lamantasyon 4:17

Nou lizye in fatige esper led ki pa'n zanmen arive; nou'n veye san pozman, pour ki en nasyon vin sov nou.

Lamantasyon 5:22

Eski ou'n vreman rezet nou pour touzour? Eski ou telman ankoler kont nou?

Mise 1:12

Zabitan Marot pe enkyet pour son boner. Me maler sorti kot SENYER, in ariv ziska devan laport Zerizalenm.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.