Zeremi 14:18 - Labib An Kreol Seselwa

¹⁸ Kan mon al dan lakanpanny, mon war zis kadav dimoun ki'n ganny masakre. Kan mon retourn dan lavil, mon war dimoun ki pe mor lafen. Profet avek pret i vwayaz atraver pei; me zot pa konpran nanryen.

Zeremi 14:18 ပူးပေါင်းရင်းမြစ်များ

Ezai 22:2

Ou en lavil ki ranpli avek tapaz; ou en lavil ki azite dan lafet; ou bann zabitan pa'n ganny masakre, ni mor dan lager.

Ezai 28:7

Bann pret ek bann profet osi in egare; soule avek diven; labwason for i fer zot drive; zot lespri in noye dan diven; zot perdi lekilib avek bann labwason for; zot pa war kler; zot rabase ler zot rann zizman.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 23:21

Mon pa'n anvoy okenn sa bann profet, pourtan zot pe taye. Mon pa ti donn zot okenn mesaz; me zot in koz an mon non.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Zeremi 6:13

Gran koman pti, pe fer tou pour zot vin ris dan fason malonnet. Depi bann profet ziska bann pret, zot tou, zot koz manti.

Zeremi 6:25

Pa sorti pour al dan lakanpanny, ni al marse dan semen, akoz lennmi i la, i pe masakre dan tou kote.

Zeremi 8:10

Pour sa rezon, SENYER i deklare: Mon pou donn zot fanm en lot, e zot plantasyon, bann nouvo propriyeter. Tou dimoun, depi pli pti ziska pli gran pe rod fer larzan. Menm bann profet ek bann pret pe tronp lepep.

Lamantasyon 1:20

SENYER! Gete dan ki maler mon ete; gete koman mon boulverse; mon leker i fer mal akoz mon'n revolte kont ou. Deor, dimoun pe ganny masakre. Dan lakaz, ou war zis lanmor.

Lamantasyon 2:19

Leve e Kriye tou lannwit. Vid ou leker devan SENYER, parey delo. Lev ou lanmen ver SENYER i ava sov lavi ou bann zanfan ki pe mor lafen dan tou kwen semen.

Lamantasyon 4:9

Sa bann ki ti ganny masakre ti pli sanse ki bann viktim lafen; zot deperi dousman akoz napa nanryen pour manze.

Ezekyel 7:15

Lepe pou deor e lepidemi ek lafanmin pou anndan. Sa enn ki dan laplenn pou ganny masakre; sa enn ki dan lavil pou ganny devore par lafanmin ek lepidemi.

Amos 4:6

Mwan ki ti anvoy lafanmin dan tou zot lavil. Mon'n anpes bann vilaz ganny manze. Malgre sa, zot pa'n retourn ver mwan. SENYER ki deklare.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Deterononm 28:36

SENYER ava anmenn ou avek ou lerwa ki ou ava'n swazir, kot en nasyon ki ni ou ni ou bann zanset pa'n konnen. La, ou ava servi lezot bondye an bwa e an ros.

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.

2 Pyer 2:3

Akoz zot lanmour pour larzan, sa bann dimoun pou eksplwat zot par bann fo rezonnman pour trik zot. Me zot zizman in pare pour zot depi lontan; zot kondannasyon pe esper zot, e zot destriksyon pa pe dormi.