Zeremi 14:14 - Labib An Kreol Seselwa

¹⁴ SENYER ti reponn mwan, “Bann profet pe servi mon non pour koz mansonz. Mon pa'n anvoy zot koz dan mon non; mon pa'n donn zot okenn lord; mon pa'n koz okenn parol avek zot. Bann vizyon ki zot dir zot in ganny pa sorti kot mwan. Tou zot bann fo mesaz i sorti dan zot limazinasyon e pa fer okenn sans.”

Zeremi 14:14 ပူးပေါင်းရင်းမြစ်များ

Ezai 56:10

Bann santinel dan Izrael pa war kler; zot pa konn nanryen; zot tou, zot parey bann lisyen trankil; zot pa ni kapab aboye; zot tal zot ater dan rev, zot kontan zis dormi.

Ezai 9:15

Bann ansyen ek bann zonm enportan, se sa latet; bann profet ki ansenny mansonz, se sa lake.

Zeremi 20:6

Kanta ou, Pasour, ou pou ganny kaptire e ganny anvoye Babilonn avek tou ou fanmir. Ou pou mor e ganny antere laba avek tou ou bann zanmi avek ki ou'n anons mansonz.

Zeremi 28:11

I ti dir devan lepep antye: La sa ki SENYER i deklare: Dan 2 an, SENYER pou kas sa bar dibwa ki lerwa Naboukodonozor in met lo likou tou bann nasyon. Apre sa, Zeremi ti pran son semen, e ale.

Zeremi 28:13

Al dir Hananya: La sa ki SENYER i deklare: Ou'n kapab kas sa bar dibwa, me mon pou ranplas li par enn an fer.

Zeremi 28:15

Profet Zeremi ti dir profet Hananya: Hananya! Ekout mwan byen. SENYER pa'n anvoy ou e ou pe fer sa pep krwar dan en mansonz.

Zeremi 29:21

La sa ki SENYER liniver, Bondye Izrael i dir konsernan Akab, garson Kolaya, lo Sedesyas, garson Maaseya ki pe koz mansonz lo mon non. Mon pou livre zot dan lanmen Naboukodonozor, lerwa Babilonn ki pour met zot anmor devan zot lizye.

Zeremi 29:31

Anvoy sa mesaz kot tou bann egzile: La sa ki SENYER i deklare lo size Semaya ki sorti Neelanm: Akoz Semaya in koz avek zot lo mon non, san ki mon ti'n anvoy li; akoz in fer zot krwar dan en ta mansonz,

Zeremi 37:19

Oli ou bann profet ki ti anons ou ki lerwa Babilonn pa pou atak ou, ni sa pei?

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Zeremi 8:10

Pour sa rezon, SENYER i deklare: Mon pou donn zot fanm en lot, e zot plantasyon, bann nouvo propriyeter. Tou dimoun, depi pli pti ziska pli gran pe rod fer larzan. Menm bann profet ek bann pret pe tronp lepep.

Zeremi 8:11

Zot pa pran seryezman katastrof ki'n frap mon pep. Zot kontinyen dir: Tou keksoz i byen, tou keksoz i byen; alor ki tou i mal.

Lamantasyon 2:14

Ou bann profet ti ganny bokou vizyon ki ti zis mansonz pour anbet ou. Si zot ti'n fer ou konn ou fot, ou sityasyon ti ava'n kapab sanze. Me zot mesaz ti zis mansonz.

Lamantasyon 2:9

Bann gran laport in ganny met ater. Bann fermtir in ganny kase an morso. Lerwa ek son bann zofisye in ganny anvoye annegzil. Lalwa nepli ganny ansennyen; bann profet nepli ganny vizyon sorti kot SENYER.

Ezekyel 12:24

Pou nepli annan fo vizyon, ni prediksyon flater dan pei Izrael.

Ezekyel 13:2

Ou ki en imen, profetiz kont bann profet Izrael, profetiz kont tou bann profet ki koz lo zot prop non: Ekout parol SENYER!

Ezekyel 13:23

Aprezan, zot pou nepli ganny sa bann fo vizyon, ni bann prediksyon. Mon pou delivre mon pep ki anba zot pouvwar. Alor, zot ava konnen ki mwan menm SENYER.

Ezekyel 21:29

Malgre bann fo vizyon lo ou, bann prediksyon mansonz ki'n ganny fer, la i'n pare pour koup likou bann malfeter, bann kriminel. Ou letan in fini; zour pour ou aret ou bann krim pe arive.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Zakari 10:2

Annefe, zot bann pti stati in koz mansonz; bann deviner in ganny fo vizyon. Zot bann rev ki zot rakonte, pa realize. Zot bann konsolasyon pa vo nanryen. Pour sa rezon, lepep i mars san direksyon parey bann mouton. Zot soufer akoz zot napa berze.

Zakari 13:3

Si zanmen okenn profet i aparet ankor, zot papa ek zot manman ki ti fer zot, pou dir zot: Zot pa pou viv, akoz zot koz lalang lo non SENYER. Alor, zot papa e zot manman pou touy zot, pandan ki zot profetize.

Deterononm 18:20

Me nenport ki profet ki koz lo non lezot bondye, oubyen ki pretann koz lo mon non e ki dir en parol ki mon pa'n ordonn li, sa profet pou bezwen ganny touye.

1 Timote 4:2

Zot pou les zot ganny tronpe par lipokrizi bann manter; zot konsyans i'n ganny marke avek en fer rouz.

1 Zan 4:1

Mon bann zanmi! Pa bezwen krwar tou sa bann ki pretann ki zot posed Lespri. Teste zot dabor pour konnen si sa lespri i sorti kot Bondye. Annefe, i annan bokou fo profet dan lemonn.