Zeremi 14:13 - Labib An Kreol Seselwa

¹³ Alor mon ti dir, “Malerezman, Senyer BONDYE, bann profet pe dir avek lepep ki pou napa okenn lager ni lafanmin. Dapre zot, ou'n promet ki pou annan en vre lape.”

Zeremi 14:13 ပူးပေါင်းရင်းမြစ်များ

Ezai 56:10

Bann santinel dan Izrael pa war kler; zot pa konn nanryen; zot tou, zot parey bann lisyen trankil; zot pa ni kapab aboye; zot tal zot ater dan rev, zot kontan zis dormi.

Zeremi 1:6

Mon ti reponn: “Malerezman, Senyer BONDYE, mon pa konn koze, mon tro zenn.”

Zeremi 20:6

Kanta ou, Pasour, ou pou ganny kaptire e ganny anvoye Babilonn avek tou ou fanmir. Ou pou mor e ganny antere laba avek tou ou bann zanmi avek ki ou'n anons mansonz.

Zeremi 23:17

Zot osi dir avek bann dimoun ki napa respe pour mwan: SENYER in dir ki tou pou al byen pour zot. Avek sa bann ki reste dan zot lantetman, ki swiv zot prop mannyer fer, zot dir: Maler pa pou tonm lo zot.

Zeremi 37:19

Oli ou bann profet ki ti anons ou ki lerwa Babilonn pa pou atak ou, ni sa pei?

Zeremi 4:10

Alor, mon ti dir, “Senyer BONDYE, ou'n vreman tronp sa pep; ou'n tronp bann zabitan Zerizalenm. Ou ti asir zot ki pou annan lape, me la, lepe i anba zot lagorz.”

Zeremi 5:12

Sa pep in renye mwan. In dir: SENYER pa pou fer nanryen. Napa okenn maler ki pou tonm lo nou. Nou pa pou soufer ni lager ni lafanmin.

Zeremi 5:13

In dir: Bann profet pa konnen ki zot pe koze; zot parol i vid. Bondye pa'n zanmen koz avek zot. Sa bann maler ki zot anonse pou tonm lo zot menm.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Zeremi 6:14

Zot pa pran gran ka avek dezas ki frap mon pep. Zot dir ki tou i byen alor ki tou pa pe mars byen.

Zeremi 8:11

Zot pa pran seryezman katastrof ki'n frap mon pep. Zot kontinyen dir: Tou keksoz i byen, tou keksoz i byen; alor ki tou i mal.

Ezekyel 12:24

Pou nepli annan fo vizyon, ni prediksyon flater dan pei Izrael.

Ezekyel 13:22

Par zot mansonz, zot dekouraz bon dimoun, kan mwan mon pa'n fer li, e zot in ankouraz bann malfeter dan zot mesanste e anpes zot kit zot move konportman. Alor, permet zot viv.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

2 Pyer 2:1

Parey ki ti annan bann fo profet parmi pep Izrael, pou osi annan bann fo ansennyan parmi zot. Sekretman, zot pou entrodwir bann fo doktrin destrikter. Zot pou menm renye zot Met ki'n sov zot. Zot pou menm atir destriksyon rapid lo zot.