Zeremi 14:10 - Labib An Kreol Seselwa

¹⁰ La sa ki SENYER i deklar avek sa pep: Wi, sa pep i kontan marsaye e al kot i anvi. Me sa pa fer plezir SENYER. Mon pa pou oubliy pese ki i'n fer. Mon pou pini li pour sa.

Zeremi 14:10 ပူးပေါင်းရင်းမြစ်များ

1 Rwa 17:18

I ti dir Eli, “Ki ou annan kont mwan, profet Bondye? Eski ou'n vin se mwan pour mel dan mon zafer e koz lanmor mon garson!”

Psonm 119:101

Mon'n evite mars dan move semen pour mwan gard ou promes.

Psonm 95:10

Sa zenerasyon in fer mwan degout zot pandan 40 an. Mon ti dir: Zot en pep ki lespri in egare avek mwan. Zot pa konn mon semen.

Egzod 32:34

Aprezan, ale! Al diriz mon pep dan sa landrwa ki mon'n dir ou. Mon lanz pour al par devan. Me zour mon pou entervenir, mon pou pini zot pour zot pese.”

Zeremi 2:36

Ou'n fasilman sanz ou semen, pour ou al kot bann bondye lezot nasyon. Bann Asiriyen in fer ou onte; bann Ezipsyen pou fer parey.

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 31:34

Personn pa pou bezwen enstri son prosen oubyen son frer, SENYER i deklare, akoz zot tou, depi pli pti ziska pli gran, pou konn mwan. Mon pou pardonn zot fot, e oubliy zot pese, SENYER i deklare.

Zeremi 6:20

Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.

Zeremi 8:5

Alor, akoz pep Zerizalenm ki'n egare, i persiste dan son move semen? Zot kontinyen ador bann fo bondye e zot refize retourn ver mwan.

Ezekyel 29:16

Pep Izrael pa pou zanmen met son konfyans dan li ankor. Konmsa, Izrael pa pou rod led Lezip e les li tonm dan pese. Alor, zot ava konnen ki mwan menm Senyer BONDYE.

Oze 11:7

Mon pep i antete pour elwanny zot avek mwan. Zot ganny apele lao, me personn pa leve.

Oze 11:9

Mon pa pou les monte mon gran lakoler; mon pa pou detri Efraim ankor; akoz mon pa en zonm, mwan Bondye, sa Enn ki sen i parmi zot, mon pa pe vin kot zot avek lakoler.

Oze 7:13

Maler lo zot! Zot in sov lwen avek mwan! Zot pou ganny detri akoz zot in revolte kont mwan. Mon pou delivre zot, me zot dir mansonz kont mwan.

Oze 7:2

Zot pa mazinen ki mon war tou keksoz mal ki zot fer. Zot bann aksyon i anvlop zot. Tou sa ki zot fer i devan mwan.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Oze 9:9

Zot in tonm pli ba dan lemal, parey Gibea lontan. Bondye i rapel zot krim, i pou fer zot rann kont zot pese.

Amos 3:2

Parmi tou bann nasyon ki peple later, ou ki mon'n swazir. Pour sa rezon, mon pou fer ou rann kont tou ou bann krim.

Amos 5:22

Mon pa pou aksepte bann sakrifis konplet ek bann lofrann ki zot ofer mwan. Mon pa pou aksepte zot sakrifis lape ek bann zannimo gra ki zot ofer mwan.

Ebre 8:12

Annefe, mon pou pardonn zot, zot bann fot. Mon pa pou zanmen mazin ankor zot bann pese.

1 Samyel 15:2

La sa ki SENYER liniver i deklare: Mon'n deside fer Amalek rann kont pour sa ki i'n fer Izrael, ler i ti bar zot semen, kan zot ti sorti Lezip.