Zeremi 13:27 - Labib An Kreol Seselwa

²⁷ SENYER in war ou komet adilter; in tann ou bann tapaz kontantman. In war ou al kot bann fo bondye lo bann montanny e dan laplenn. Malerezman pour ou, Zerizalenm! Ou pa oule swiv mwan pour ou ganny pirifye. Ankor konbyen letan sa sityasyon i kapab dire?

Zeremi 13:27 ပူးပေါင်းရင်းမြစ်များ

Psonm 94:4

Zot koz bann parol arogan; tou bann malfeter pe vant zot lekor.

Psonm 94:8

Bann fou! Konpran sa. Kan eski zot pou konpran?

Proverb 1:22

Zot bann bet! Ziska kan zot pou kontinyen kontan zot sotiz? Ziska kan bann ensolan pou kontan ensilte, e bann sot deteste konnesans?

Ezai 57:7

Zot in enstal zot landrwa dormi anler lo en montanny tre o. Laba, ki zot in monte pour ofer zot sakrifis.

Ezai 65:7

Zot pou peye pour zot pese anmenmtan, pour pese zot zanset, zot ki ti bril lansan lo bann montanny e ki ti provok mwan lo bann kolin. Mon pou fer zot rann kont avek tou mon leker e mon ava regle mon kont direkteman avek zot.

Zeremi 11:15

Ki mon byenneme i vin fer dan mon tanp? I pa pe azir avek senserite. Eski son bann ve ek son bann lavyann sakre, i kapab fer li sape dan son maler?

Zeremi 3:6

Dan letan ki Zosyas ti lerwa, SENYER ti dir mwan, “Eski ou'n war sa ki Izrael in fer? Parey en fanm ki tronp son mari, in al lo bann kolin bwaze kot i azir parey en prostitye anba sa pye dibwa ki son feyaz i ver.

Ezekyel 16:23

Apre tou sa mesanste ki ou'n fer, maler, maler lo ou! Senyer BONDYE i deklare.

Ezekyel 2:10

I ti deroul li devan mwan; lo de kote, ti'n ekri: Lamantasyon, konplent, zemisman!

Ezekyel 20:28

Mon'n anmenn zot dan sa pei ki mon ti promet par en serman pour donn zot. Me zot in les zot ganny atire par sak kolin ek sak touf feyaz. La, zot in ofer zot bann sakrifis, prezant bann don ki ti fer mwan ankoler par bann lofrann avek loder ki ti fer plezir ek lofrann labwason. Zot in fer tousala zis pour fer monte mon lakoler.

Ezekyel 24:12

Mon'n fatig mwan pour nanryen; dife pa'n fer sa gro larouy nanryen.

Ezekyel 24:13

Zerizalenm! Ou bann aksyon imoral in sali ou. Menm ki mon ti oule pirifye ou, ou'n reste enpir. Ou pa pou ganny pirifye tan ki mon pa satisfer mon lakoler kont ou.

Ezekyel 24:6

Alor, la sa ki Senyer BONDYE i deklare: Maler lo sa lavil ranpli avek disan. I parey en marmit rouye; larouy in enkriste ladan e i pa oule sorti. Tir bann morso enn apre lot san ki ou bezwen swazir.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Ezekyel 36:37

La sa ki Senyer BONDYE i deklare: La sa ki mon pou fer: Mon pou les pep Izrael vin rod ankor mon led, pour mwan azir dan zot faver; mon pou ogmant zot popilasyon e fer li vin nonbre parey mouton dan en troupo.

Ezekyel 6:13

Ou ava konnen ki mwan menm SENYER, ler zot kadav ava fannen parmi zot bann zidol toultour zot bann lotel, lo sak kolin, lo sak montanny, anba sak zarbis ver e anba sak pye dibwa ki annan feyaz, partou kot zot ofer sakrifis devan zot zidol.

Oze 1:2

La ki mannyer SENYER ti konmans koz avek pep Izrael atraver Oze. I ti dir Oze: Al marye avek en fanm prostitye, e ou zanfan ava ne dan prostitisyon. Pep sa pei in tonm dan prostitisyon, akoz zot in abandonn SENYER.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

Oze 8:5

Samari! Ou zenn bef i ganny rezete. Mon lakoler in monte kont zot. Konbyen letan zot pou kapab viv en lavi inosan?

Sofoni 3:1

Maler lo lavil rebel, lavil koronpi, lavil diktater!

Matye 11:21

Zezi ti dir: Maler lo ou Korazin! Maler lo ou Betsayda! Si bann mirak ki'n ganny fer kot zot, ti'n ariv dan lavil Tir ek Sidon, lontan zot bann zabitan ti ava'n met lenz dey e kouver zot avek lasann.

2 Korentyen 12:21

Mon per ki kan mon ariv kot zot, mon Bondye ava imilye mwan devan zot. Mon ava bezwen plere lo bokou parmi zot ki'n kontinyen komet pese parey dan lepase; ki pa'n abandonn zot lavi dezord, limoralite ek vis ki zot ti pratike.

2 Korentyen 7:1

Mon bann zanmi! Tou sa bann promes i pour nou. Alor, annou pirifye nou kont tou sa ki sali lekor ek lespri. Annou fer tou pour vin konpletman sen, an vivan dan respe anver Bondye.

Let Zak 4:4

Bann adilter ki zot ete! Pa zot konnen ki lanmour pour lemonn i lennmi Bondye? Alor, sa enn ki oule fer zanmi avek lemonn i lennmi Bondye.

Revelasyon 8:13

Answit, mon ti regarde: Mon ti antann en leg ki ti pe anvole byen o dan lesyel. I ti kriye avek en lavwa for: Maler! Maler! Maler lo bann zabitan later, akoz sa bann tronpet ki sa trwa lanz pe al soufle.