Zeremi 13:24 - Labib An Kreol Seselwa

²⁴ SENYER pou dispers ou parey bren lapay ki divan sorti dan dezer i fer anvole.

Zeremi 13:24 ပူးပေါင်းရင်းမြစ်များ

Psonm 1:4

I pa parey bann malfeter: Zot koman lapay ki voltize dan divan.

Ezai 17:13

Bann nasyon i gronnyen parey bann gro laroul. Me SENYER pou rezet zot, e zot ava sov byen lwen. Zot ganny pouse parey lapay dan divan lo montanny, parey en tourbiyon lapousyer avan tanpet.

Ezai 41:16

Ou pou vann zot e zot pou anvole dan divan; tanpet pou dispers zot. Apre sa, ou pou dan lazwa akoz SENYER; ou pou met ou lafyerte dan Bondye sen Izrael.

Zeremi 18:17

Parey divan ki sorti dan Les, e ki balye tou lo son pasaz, mon pou dispers zot devan son lennmi. Zour maler pou arive, mon pou tourn mon ledo avek zot; mon pa pou tourn ver zot.

Zeremi 9:16

Mon pou anvoy li annegzil dan en kantite pei diferan ki ni li, ni son zanset pa'n deza antann koze. Mon pou anvoy bann gerye kont li ziska ki mon ava'n detri li konpletman.

Lamantasyon 1:15

SENYER in rezet tou bann vayan gerye ki ti pe defann mwan. I'n anvoy en larme pour detri mwan. I'n detri tou mon bann zennzan. Parey rezen i ganny kraze pour fer diven, SENYER in kraz Zida, sa zoli zenn fiy.

Ezekyel 17:21

Bann meyer gerye pou ganny touye dan lager. Bann sirvivan pou disperse dan tou kote. Alor, zot ava konnen ki mwan SENYER, mon'n koze.

Ezekyel 5:12

En tyer ou zabitan pou mor, swa par lepidemi, oubyen par lafanmin dan lavil; en tyer pou ganny masakre dan zalantour; en tyer, mon pou disperse par tou kote e mon pou servi mon lepe kont zot.

Ezekyel 5:2

Ou ava bril en tyer dan dife, dan milye lavil. Apre letan ki Zerizalenm in ganny anserkle in fini, pran en lot tyer ki ou ava koup koupe avek lepe otour lavil. Ou ava fann sa dernyen tyer dan divan e mwan, mon ava servi mon lepe kont Zerizalenm.

Ezekyel 6:8

“Mon pou sepandan les serten parmi zot sirviv sa masak e dispers zot partou dan bann pei.

Oze 13:3

Alor, zot pou parey brouyar granmaten, oubyen laroze ki disparet dan en pti moman. Zot parey lapay dible oubyen lafimen ki sorti par lafnet.

Levitik 26:33

Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Sofoni 2:2

avan ki en lord i sorti, avan sa zour i anvole parey en bren lapay, avan ki gro lakoler SENYER i tonm lo zot, avan ki sa zour lakoler SENYER i arive!

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Deterononm 28:64

SENYER ava dispers ou parmi tou bann pep partou lo later. Ou ava servi lezot bondye fer avek dibwa ek ros, ki ni ou ni ou bann zanset pa'n zanmen konnen.

Deterononm 32:26

Mon ti'n mazinen detri zot konpletman e fer zot disparet parmi bann imen.

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.