Zeremi 13:21 - Labib An Kreol Seselwa

²¹ I annan dimoun ki ou'n fer zanmi avek. Ki ou pou dir kan zot ava azir kont ou e domin ou? Douler pou pran ou parey en fanm ki dan douler lanfantman.

Zeremi 13:21 ပူးပေါင်းရင်းမြစ်များ

2 Rwa 16:7

Akaz ti anvoy bann mesaze kot Tiglat-Pileser, lerwa Asiri, pour dir li, “Mwan ou serviter e ou garson. Monte e vin sov mwan dan lanmen lerwa Asiri ek lerwa Izrael, ki pe atak mwan.”

Ezai 10:3

Ki ou pou fer zour pinisyon, kan maler i arive sorti lwen? Kot ou pou taye pou rod led e kote ou pou kit ou larises?

Ezai 13:8

Dimoun pou per. Soufrans atros pou anvai zot. Zot pou ganny douler parey en fanm dan lakousman. Efare, zot pou get kanmarad avek etonnman. Zot figir pou vin rouz.

Ezai 21:3

Pour sa rezon ki mon leren i fer mal; douler in pran mwan parey douler lakousman. Mon tro dekouraze pour mwan tande. Mon tro per pour mwan gete.

Zeremi 2:25

Izrael! Fer atansyon ou pou fini san sandal e lagorz sek. Me ou dir: I'n tro tar pour mwan sanze; mon kontan bann bondye etranze mon pa kapab aret swiv zot.

Zeremi 22:23

Ou pou viv trankilman dan lakaz fer avek dibwa sed sorti Liban, ler soufrans pou sezi ou. Ou pou kriye parey en fanm dan douler lakousman.

Zeremi 30:6

Al pran lenformasyon si en zonm i kapab ganny zanfan! Pourtan, mon ti war bann zonm ti'n met zot lanmen lo leren, parey en fanm ki dan douler lakousman! Akoz figir tou dimoun in vin pal?

Zeremi 38:22

Tou bann fanm ki'n reste dan pale lerwa Zida pou ganny anmennen kot bann zofisye lerwa Babilonn. La sa ki zot pou dir lo ou: Ou bann meyer zanmi dan ki ou ti annan konfyans in tronp ou; zot in bat ou latet. La ki ou lipye in anfons dan labou ou bann zanmi in abandonn ou.

Zeremi 4:30

Zerizalenm! Ou pe al ganny detri. Akfer ou'n met ou pli zoli rob rouz? Akfer ou'n met ou bann bizou annor? Akfer ou'n penn ou lizye pou fer ou zoli? Me tousala pa servi dan nanryen; ou bann lanmoure in rezet ou e zot oule touy ou.

Zeremi 4:31

Annefe, mon'n antann kriye konmsi en manman ti pe ganny son premye baba. Sa ti Zerizalenm ki ti pe kriye pour esey pran respirasyon. Lanmen anler, i pe kriye: Maler i lo mwan! Zot pe vin touy mwan!

Zeremi 48:41

Bann lavil pou ganny kaptire; bann plas byen proteze pou ganny kaptire. Sa zour, bann gerye Moab pou per parey en fanm ki dan douler lanfantman.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Zeremi 6:24

Bann zabitan Zerizalenm ti dir: Kan nou ti antann sa nouvel, nou ti perdi kouraz, nou lagorz ti sere. Nou ti soufer parey en fanm ki pe akouse.

Ezekyel 28:9

Eski devan bann ki pe touy ou, ou pou kontinyen dir: Mon en bondye, menm si ou pa bondye, me zis en imen dan lanmen bann ki pe touy ou?

Matye 24:8

Tou sa bann levennman pou zis parey bann premye douler lakousman.

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.