Zeremi 13:18 - Labib An Kreol Seselwa

¹⁸ Al dir lerwa ek son manman: Sorti lo tronn, akoz ou zoli kouronn in tonbe.

Zeremi 13:18 ပူးပေါင်းရင်းမြစ်များ

2 Rwa 24:12

Alor, Yoyakin, lerwa Zida, ti rann son lekor avek lerwa Babilonn, ansanm avek son manman, son bann zonm, bann sef ek tou bann o zofisye. Lerwa Babilonn ti fer li prizonnyen dan wityenm lannen son renny.

2 Rwa 24:15

I ti anvoy Yoyakin annegzil Babilonn. I ti osi anmenn manman lerwa, bann fanm lerwa, son bann o zofisye ek bann dimoun enportan dan pei, annegzil sorti Zerizalenm pour Babilonn.

2 Kronik 33:12

Dan son gran maler, Manase ti sipliy faver SENYER son Bondye e i ti imilye li bokou devan Bondye son bann zanset.

2 Kronik 33:19

Son lapriyer e lafason ki Bondye ti ekout li, son bann pese ek lenfidelite anver Bondye in ganny ekri dan Liv Listwar Hozai. Sa liv i osi donn non bann landrwa kot Manase ti konstri bann landrwa sakre, kot i ti plas bann poto sakre ek bann stati, avan son imilyasyon.

2 Kronik 33:23

I pa ti imilye li devan SENYER parey son papa, Manase. I ti komet bokou plis fot ankor.

Egzod 10:3

Alor, Moiz avek Aaron ti al kot Faraon ankor. Zot ti dir li, “La sa ki SENYER Bondye bann Ebre i deklare: Ziska kan ou pou refize imilye ou devan mwan? Les mon pep ale pour zot al servi mwan.

Egzod 39:28

Zot ti osi fer bann tirban an linenn fen, bann bonnen avek latwal linenn fen; bann kannset avek latwal linenn fen, trese;

Proverb 27:24

Annefe, larises pa reste touzour, en kouronn pa ganny transmet atraver bann zenerasyon.

Ezai 3:20

vwal, sennon, sang, gardkor, port boner,

Ezai 3:26

Zot bann laport pou plennyen e lamante; i pou asiz ater, parey en fanm depouye.

Ezai 47:1

Babilonn, lavil vyerz! Desann lo ou tronn rwayal e vin asiz dan lapousyer. Fiy Babilonn! Vin asiz ater, san ou tronn. Ou pou nepli ganny apele Babilonn sansib e delika.

Zeremi 22:24

La sa ki ou ava dir lerwa Yoyiakim, garson lerwa Yoyiakim, lerwa Zida: Osi vre ki mwan SENYER, mon vivan, mon deklare: Si ou ti sa bag ki lo mon lanmen drwat, mon ti pou tir li.

Zeremi 22:26

Mon pou anvoy ou ek ou manman, dan en lot pei kot ou pa ti ne. La, tou le de, zot pou mor.

Zeremi 29:2

Zeremi ti anvoy sa let apre ki lerwa Yoyakim, son manman, bann zofisye enportan, bann sef Zida ek Zerizalenm, bann artizan e bann travayer kalifye ti'n ganny deporte.

Zeremi 36:16

Kan zot ti'n fini antann tou sa mesaz, zot ti get kanmarad avek lafreyer. Zot ti dir Barouk, “Nou bezwen raport tou sa bann parol avek lerwa.”

Lamantasyon 1:6

Lavil Siyon in perdi tou son splander. Son bann sef i vin parey en serf ki napa nanryen pour manze. San lafors, zot in sove devan bann ki pourswiv zot.

Lamantasyon 1:9

Son lenpirte i lo son rob; i pa'n mazin son lavenir. In tonm tre ba; napa personn pour konsol li. Alor, i kriye: SENYER! Get mon soufrans, akoz mon lennmi in ganny laviktwar.

Lamantasyon 2:10

Bann ansyen dan Zerizalenm in asiz ater san dir nanryen. Zot in kouver zot latet avek lapousyer e zot in met lenz dey. Bann zenn fiy dan Zerizalenm in bes zot latet ater.

Lamantasyon 5:16

Nou kouronn in tonbe lo nou latet. Maler i lo nou akoz nou'n fer pese.

Ezekyel 16:12

Mon ti plas en bag dan ou nennen, zanno dan ou zorey, ek en zoli kouronn lo ou latet.

Ezekyel 21:26

La sa ki Senyer BONDYE i deklare: Tir ou kouronn, anlev ou tirban. Tou pou sanze: Sa enn ki ganny imilye pou ganny eleve, Sa ki ganny eleve pou ganny imilye.

Ezekyel 24:17

Pa les tande ou soupir, pa les war siny dey. Atas ou tirban e met ou sandal. Pa kouver ou moustas e pa manz sa ki dimoun an dey i manze.

Ezekyel 24:23

Gard zot tirban lo zot latet e zot sandal dan zot lipye. Zot pa bezwen ni lamante, ni plere, me zot ava zemir dan zot fot e zot ava konsol kanmarad.

Ezekyel 44:18

Zot ava met tirban latwal linenn otour latet, en morso latwal linenn otour zot leren; zot pa devre met nanryen ki pou fer zot transpire.

Danyel 5:20

Me letan son leker ti ranpli avek lorgey e dan son lespri ti annan larogans, i ti ganny tire lo son tronn e ganny arase son loner.

Zonas 3:6

Kan lerwa Niniv ti tande sa ki ti pe pase, i ti leve lo son tronn, tir son lenz rwayal, e met lenz dey li osi e asiz lo lasann.

Matye 18:4

Sa enn ki abes li e vin parey sa zanfan, pou vin pli gran dan Rwayonm lesyel.

Let Zak 4:10

Imilye zot devan Senyer e i ava elev zot.

1 Pyer 5:6

Alor, avek limilite, plas zot dan pwisan lanmen Bondye, pour ki dan ler ki i'n fikse, i ava onor zot.