Zeremi 13:16 - Labib An Kreol Seselwa

¹⁶ Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Zeremi 13:16 ပူးပေါင်းရင်းမြစ်များ

Liv Zob 3:5

Mon demande ki fernwanr lanmor i pran li, e bann gro nyaz i kouver li e fernwanr i ranplas lizour.

Psonm 107:10

Serten dimoun ti pe viv dan fernwanr lanmor; zot ti prizonnyen lanmizer, atase dan lasenn.

Psonm 107:14

I ti fer zot sorti dan zot gro fernwanr lanmor e i ti kas zot lasenn.

Psonm 29:2

Proklanm gran non SENYER. Prostern devan prezans SENYER ler i manifeste son sentete.

Psonm 44:19

Me ou'n kraz nou dan dezer parmi bann sakal. Ou'n kouver nou anba en gro lonbraz lanmor.

Egzod 10:21

SENYER ti dir Moiz, “Lev ou lanmen ver lesyel pour ki i ava annan en fernwanr epe partou dan Lezip.”

Proverb 4:19

Semen bann malfeter i parey gro fernwanr; zot pa konnen kwa ki fer zot tonbe.

Eklezyas 11:8

Si en dimoun i viv lontan, i devre zouir sak lannen ki i viv. Rapel byen ki pou annan bokou zour sonm. Tousala, i zis vanite.

Ezai 5:30

Sa zour, pou annan en gronnyman kont li, parey gronnyman lanmer. Si ou get lo kote later, ou pou war zis fernwanr ek detres. Bann gro nyaz pou maske lalimyer.

Ezai 59:10

Nou marse parey en aveg tou dilon en miray; nou pe tatonnen parey dimoun ki pa war kler; nou ganny konnyen lizour koman aswar; Nou an bonn sante, me nou parey dimoun mor.

Ezai 59:9

Pour sa rezon ki lazistis i reste lwen avek nou e lazistis pa ariv ziska kot nou. Nou esper lalimyer, me i annan zis fernwanr. Nou esper lizour, me nou pe mars dan teneb.

Ezai 60:2

Teneb i kouver later e en fernwanr epe i kouver lepep. Me SENYER pou lev lo ou e son laglwar ava aparet lo ou.

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Zeremi 14:19

Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Zeremi 2:6

Zot pa ti dir: Nou bezwen retourn kot SENYER ki'n fer nou sorti Lezip, ki'n gid nou dan dezer, kot i annan presipis, kot nanryen pa pouse. I fernwanr, napa personn ki reste e personn pa pase la.

Zeremi 23:12

Pour sa rezon, mon pou fer zot glise dan semen. Zot pou bat ek kanmarad dan fernwanr e zot pou tonbe. Mon pe anmenn maler lo zot; letan zot pinisyon in arive, SENYER i deklare.

Zeremi 4:23

Mon ti get later; mon ti war li vid, san okenn laform. Mon ti get lesyel; ti nepli annan okenn lalimyer.

Zeremi 50:6

Mon pep in vin parey en troupo mouton egare; zot berze in anmenn zot lo move semen. In fer zot tourn anron dan montanny; zot in rode partou dan bann kolin, ziska ler zot in oubliye kote zot reste.

Zeremi 6:21

Alor, la sa ki SENYER i deklare: Mon pou met lobstak devan sa pep Dimoun pou tonbe e disparet: Papa ek zanfan, vwazen ek zanmi.

Zeremi 8:15

Nou ti pe espere ki lape ava aranz tou e ki nou ti ava ganny en letan pour nou swanny nou bann blesir. Me nanryen pa'n arive. Olye sa, lafreyer ki'n tap nou.

Lamantasyon 4:17

Nou lizye in fatige esper led ki pa'n zanmen arive; nou'n veye san pozman, pour ki en nasyon vin sov nou.

Ezekyel 21:15

I pou fer perdi kouraz, e fer dimoun tranble. Devan sak laport, mon pou plas lepe pour masakre. I klate koman zekler, i touzour pare pour touye.

Ezekyel 34:12

Parey en berze, ki pran swen son troupo ki'n disperse partou, mon pou rasanble tou mon troupo. Mon pou al rod zot partou la kot zot in disperse, dan sa zour movetan e gro fernwanr.

Ezekyel 36:15

Mon pa pou les ou antann bann ensilt bann nasyon, ni bann parol mepri bann pep; ou pa pou les ou nasyon tonbe. Senyer BONDYE ki'n deklare.

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Amos 4:13

Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

Amos 5:18

Maler pour zot ki pe esper avek lenpasyans sa zour SENYER! Pour ki rezon zot pe esper sa zour SENYER? I pou en zour teneb, non pa en zour lalimyer.

Malasi 2:2

Si zot pa ekout mwan, e zot pa pran ka pour glorifye mon non dan sa ki zot fer, alor mon pou devers malediksyon lo zot, SENYER ki deklare. Mon pou sanz mon benediksyon an malediksyon. Annefe, mon'n fini modi zot, akoz zot pa pe pran mon lord aker.

Levanzil dapre Zan 12:35

Zezi ti reponn zot, “Lalimyer i avek zot, me pour ankor en pti pe letan. Pandan ki zot annan lalimyer, kontiny zot semen pour ki fernwanr pa sirprann zot. Sa enn ki mars dan fernwanr pa konnen kote i pe ale.

Zozye 7:19

Alor Zozye ti dir Akan, “Mon garson! Rann glwar SENYER Bondye Izrael e rekonnet ou fot devan li. Dir mwan ki ou'n fer, pa kasyet nanryen avek mwan.”

1 Pyer 2:8

Lekritir i osi deklare: Sa i en ros kot dimoun pou ganny konnyen, en ros ki pou fer dimoun tonbe. Zot in tonbe akoz zot pa'n krwar dan Lekritir; sa ti zot desten.

1 Samyel 6:5

Fer bann reprezantasyon zot bann boubou, ek reprezantasyon zot bann souri ki devaste pei; rann glwar Bondye Izrael. Kekfwa i ava mwen sever anver zot, anver zot bondye, e anver zot pei.