Zeremi 12:5 - Labib An Kreol Seselwa

⁵ La sa ki SENYER ti deklare: Zeremi! Si ou fatige fer lakours avek en zonm, ki mannyer ou pou kapab fer lakours avek en seval? Si ou pa santi ou an sekirite dan en pei trankil, ki ou pou fer si ou dan bann gran zerb obor larivyer Zourden?

Zeremi 12:5 ပူးပေါင်းရင်းမြစ်များ

1 Kronik 12:15

Sa ti bann zonm ki ti travers larivyer Zourden dan premye mwan, ler larivyer ti pe deborde e fer sove tou bann zabitan dan vale, dan Les e dan Was.

Psonm 42:7

Ou fer ronfle bann toran; en laroul i swiv en lot laroul; ou fer zot kraz mwan. Zot tou, zot in pas lo mwan.

Proverb 24:10

Si ou montre ou dekouraze dan letan maler, alor, ou napa bokou lafors.

Proverb 3:11

Mon garson! Pa rezet bann konsey SENYER, ni mepriz son bann lavertisman.

Zeremi 11:21

Pour sa rezon, la sa ki SENYER i deklare kont bann zabitan Anatot ti oule mon lanmor. Zot ti'n dir: Si ou kontinyen koz koman en profet lo non SENYER, nou pou touy ou.

Zeremi 26:8

Kan Zeremi ti'n fini dir tou sa ki SENYER ti'n ordonn li dir avek lepep, bann pret, bann profet e lepep antye ti sezi li e zot ti kriye: Ou merit lanmor!

Zeremi 36:26

Alor, lerwa ti donn lord son garson Zerameel ek Seraya, garson Azriel ek Selemia, garson Abdeel, pour al aret profet Zeremi ek Barouk son sekreter. Me SENYER ti kasyet zot.

Zeremi 49:19

Parey en lyon ki sorti dan brousay obor larivyer Zourden pour vin dan laplenn, mon pou vini e fer tou dimoun taye kot zot. Alor, mon pou etabli en sef ki mon ava'n swazir. Lekel ki kapab konpar li avek mwan? Lekel ki pou oze kontredir mwan? Lekel sa berze ki pou kapab opoz mwan?

Zeremi 50:44

Mon pou vin parey en lyon ki sorti dan brousay, obor larivyer Zourden dan en oazis, SENYER i deklare. Toudenkou, mon pou fer zot sove. Alor, mon pou nonm en sef ki mon ava'n swazir. Annefe, lekel ki kapab konpar li avek mwan? Lekel ki pou al kont mwan? Lekel sa berze ki pou kapab opoz mwan?

Zozye 3:15

Pandan letan larekolt, larivyer Zourden ti deborde. De ki sa bann ki ti pe anmenn Kof lalyans ti ariv kot larivyer Zourden e ki lipye bann pret ki ti pe anmenn Kof lalyans ti tous delo dan larivyer Zourden,

1 Pyer 4:12

Mon bann zanmi! Pa bezwen etonnen par bann gran soufrans ki zot pe pas ladan. Napa nanryen ekstraordiner dan sa ki pe ariv zot.