Zeremi 12:4 - Labib An Kreol Seselwa

⁴ Later i sek, zerb in fletri. Zannimo ek zwazo pe mor. Tousala, akoz mesanste sa bann dimoun ki'n dir: Bondye pa war sa ki nou pe fer.

Zeremi 12:4 ပူးပေါင်းရင်းမြစ်များ

Psonm 107:34

Akoz mesanste son bann zabitan, en later fertil in vin en laplenn disel.

Psonm 50:21

Tousala, ou'n fer e oule mon gard silans? Ou ti krwar mon ti parey ou? Aprezan mon denons ou, e mon pou akiz ou anfas.

Ezai 24:4

Later pe sek e i pe tonm anrin; lemonn in delabre e pe tonm anrin; lesyel pe langir ansanm avek later.

Ezai 24:6

Pour sa rezon, later in ganny devore par malediksyon. Son bann zabitan pe soufer konsekans. Alor, zot diminyen lo later e i pa reste bokou dimoun.

Zeremi 12:11

Zot in fer li vin en rezyon devaste ki'n ganny marke par dey. Pei antye in ganny detri e personn pa pran okenn ka.

Zeremi 14:2

Zida i an dey; son bann lavil pe tonm anrin. Son bann zabitan pe asiz ater. Zerizalenm pe kriy ver lesyel.

Zeremi 23:10

Sa pei i ranpli avek dimoun ki komet adilter. Akoz malediksyon Bondye, pei i an dey, e zerb i konpletman sek. Zot taye pour fer sa ki mal e zot servi zot kouraz pou fer sa ki devret.

Zeremi 4:25

Mon ti gete: Mon pa ti war okenn zabitan, e tou bann zwazo ti'n sove.

Zeremi 4:28

Pour sa rezon, later pou an dey. Lesyel pou vin nwanr. Annefe, mon'n dir e mon'n deside, mon pa regret nanryen, mon pa pou retourn annaryer.

Zeremi 5:13

In dir: Bann profet pa konnen ki zot pe koze; zot parol i vid. Bondye pa'n zanmen koz avek zot. Sa bann maler ki zot anonse pou tonm lo zot menm.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Zeremi 9:10

Mon pou lamante lo bann montanny e plere pour bann laplenn, akoz zot in ganny brile. Personn pa pase e nepli annan tapaz bann troupo. Zwazo ek zannimo sovaz in ale; pa reste nanryen.

Zeremi 9:9

Bann zans parey, pa mon pou bezwen fer zot rann kont? Pa mon pou bezwen tir mon vanzans lo en tel nasyon?

Oze 4:3

Pour sa rezon pei pou dan dey, son bann zabitan pe deperi ansanm avek bann zannimo sovaz, bann zwazo dan lesyel. Menm bann pwason dan lanmer pe disparet.

Zoel 1:18

Gete! Bann zannimo pe kriye. Zot in disperse partou akoz napa zerb; menm bann mouton pe soufer.

Amos 1:2

Amos ti dir: SENYER i kriye depi Siyon, e i fer antann son lavwa depi Zerizalenm. I annan dezolasyon dan laplenn. Latet montanny Karmel i sek.

Habakouk 3:17

Pye fig nepli fleri; plantasyon rezen nepli donn rezen; pye zoliv nepli donn zoliv; bann plantasyon dible nepli donn dekwa manze.

Zakari 1:12

Alor, lanz ti dir, “SENYER liniver! Ankor konbyen letan eski ou pa pou pran pitye pour Zerizalenm ek bann lavil dan Zida kont ki ou ankoler depi deza 70 an?”

Romen 8:22

Nou konnen, annefe, ki ziska aprezan, lakreasyon antye pe soupire e soufer parey en fanm ki pe akouse.