Zeremi 12:14 - Labib An Kreol Seselwa

¹⁴ La sa ki SENYER i deklare: Tou mon bann move vwazen ki'n rin sa pei ki mon'n donn mon pep Izrael, mon pou derasin zot dan zot pei, parey ou derasin en plant. Mon pou osi derasin parmi zot, bann zabitan Zida.

Zeremi 12:14 ပူးပေါင်းရင်းမြစ်များ

Psonm 105:15

Pa tous bann ki mon'n konsakre; pa fer ditor mon bann profet.

Psonm 106:47

SENYER nou Bondye, sov nou! Rasanble nou parmi bann nasyon, pour nou kapab remersye ou non sen; pour nou pran plezir dan ou louanz.

Zeremi 2:3

Izrael! Dan sa letan, ou ti zis pour mwan. Ou ti sakre pour mwan, parey premye prodwi mon rekolt. Sa enn ki ti rod zafer avek ou, mon ti fer li soufer; maler ti tonm lo li. SENYER ki deklare.

Zeremi 25:9

mon pou anvoy tou bann zabitan sorti dan Nor avek zot sef, mon serviter, Naboukodonozor, lerwa Babilonn ki fer sa ki mon oule. Mon pou fer zot lager kont Zida, kont son bann zabitan ek tou bann nasyon vwazen. Mon pou detri sa nasyon ek son bann vwazen. Mon pou fer li vin en ta larin pour touzour, en keksoz terib e sokan ki pa pou ditou gou pour war.

Zeremi 3:18

Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Zeremi 32:37

Mon pou rasanble zot depi tou bann pei kot mon ti'n dispers zot dan mon lakoler. Mon pou fer zot retourn isi kot zot ava viv an sekirite.

Zeremi 48:1

La sa ki SENYER liniver, Bondye Izrael i deklare konsernan Moab: Maler pour Nebo! In ganny detri. Kiryataim in ganny imilye, in ganny kaptire; son bann miray in ganny kraze.

Zeremi 48:47

Me dan lavenir, mon pou redonn Moab son larises SENYER i deklare. Sanmenm sa zizman ki ti ganny prononse lo Moab.

Zeremi 49:1

Lo size bann Amonit, la sa ki SENYER i dir: Akoz eski Milkonm in pous Gad e pran son teritwar? Akoz eski zabitan Amonn pe okip bann lavil Gad? Eski Izrael napa okenn desandan ni zeritye?

Zeremi 49:7

Konsernan Edonm, la sa ki SENYER liniver i deklare: Eski nepli annan dimoun saz dan Temann? Eski nepli annan okenn konseye parmi bann zonm pridan? Eski tou zot lasazes in koronpi?

Ezekyel 28:25

La sa ki Senyer BONDYE i deklare: Mon pou rasanble pep Izrael parmi bann nasyon partou kot zot ti ganny disperse. La ki mannyer mon pou montre tou bann nasyon ki mwan menm sa Bondye sen. Pep Izrael pou etabli li dan son prop pei ki mon ti donn mon serviter Zakob.

Ezekyel 28:26

Zot ava viv dan sekirite. Zot ava konstri zot lakaz; plant rezen. Zot pou viv an sekirite ler mon egzekit mon zizman lo bann pep dan zalantour, ki'n mepriz zot. Alor, zot ava konnen ki mwan menm SENYER zot Bondye.

Ezekyel 36:24

Mon pou retir zot parmi bann nasyon; mon pou rasanble zot dan tou bann pei kot zot ete e anmenn zot dan zot pei.

Ezekyel 36:5

Alor, la sa ki Senyer BONDYE i deklare: Avek tou pasyon mon lakoler, mon pronons bann menas kont lezot nasyon e kont Edonm antye. Dan lazwa e san kanmi, sa bann nasyon, zot in pran mon pei e depouy li.

Ezekyel 37:21

Dir zot: La sa ki Senyer BONDYE i deklare: Mon pou retir pep Izrael parmi bann nasyon kot zot in disperse; mon pou rasanble zot sorti dan tou kote e anmenn zot dan zot prop pei.

Oze 1:11

Pep Zida ek pep Izrael pou rasanble ansanm. Zot pou swazir en sel sef. Zot pou pran posesyon zot pei; sa pou en gran zour pour Zizreel.

Zakari 1:15

Me mon tre ankoler kont bann nasyon ki krwar zot dan byen: Kan mon pa ti tro ankoler kont zot, zot in ogmant zot maler.

Zakari 2:8

La sa ki SENYER liniver i deklare konsernan bann nasyon ki'n depouy ou: Sa enn ki tous ou, pou ganny zafer avek mwan.

Deterononm 28:63

SENYER ti kontan fer ou prospere e vin nonbre. Li menm SENYER pou kontan anmenn ou dan larin ek destriksyon; ou pou ganny derasinen dan sa pei ki ou pe al pran posesyon.

Deterononm 30:3

alor, SENYER, ou Bondye ava retabli ou sityasyon. I ava annan konpasyon pour ou e rasanble ou ankor parmi tou bann pep kot SENYER, ou Bondye ti'n dispers ou.