Zeremi 12:1 - Labib An Kreol Seselwa

¹ SENYER! Ou tro zis pour mwan akiz ou. Malgre sa, mon oule koz lo lazistis avek ou. Akoz malfeter i prospere dan lavi? Akoz bann malfeter i viv trankilman?

Zeremi 12:1 ပူးပေါင်းရင်းမြစ်များ

Zenez 18:25

Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Nehemi 9:33

Ou'n azir dapre lazistis dan tou sa ki'n ariv nou; ou'n azir fidelman anver nou, tandis ki nou, nou'n mal azir.

Liv Zob 12:6

Voler i viv anpe anba son latant. Sa enn ki provok Bondye i an sekirite. Son prop lafors in vin son Bondye.

Liv Zob 13:3

Me avek Bondye Toupwisan ki mon oule koze; mon oule defann mon ka devan li.

Liv Zob 24:12

Dimoun dan lavil i plennyen; bann blese pe kriy osekour. Me Bondye pa ekout sa ki zot dir.

Liv Zob 24:23

I ti les zot krwar ki zot an sekirite. Me son lizye pa sorti lo sa ki zot fer.

Liv Zob 8:17

Son bann rasin i trese dan ta ros, i anfonse parmi bann ros.

Psonm 116:5

SENYER i bon e i zis. Nou Bondye i ranpli avek konpasyon.

Psonm 119:137

SENYER ou zis e ou bann desizyon i drwat.

Psonm 119:75

Mon konnen SENYER, ki ou bann zizman i zis e ou'n byen fer imilye mwan.

Psonm 145:17

SENYER i zis dan tou sa ki i antreprann; i fidel dan tou sa ki i fer.

Psonm 37:1

Pa bezwen pran lakoler kont bann malfeter; pa bezwen zalou bann kriminel.

Psonm 37:35

Mon'n war move dimoun vin pwisan e devlope parey en pye sed Liban.

Psonm 51:4

Kont ou, kont zis ou ki mon'n fer sa ki mal; devan ou ki mon'n fer sa. Alor, ou annan rezon kan ou pronons ou santans e zizman ki ou rann i zis.

Psonm 51:6

Me ou kontan laverite ki dan fon leker. Alor, dan pli profon mon leker, fer mwan konn lasazes.

Psonm 92:7

Menm si bann malfeter i pous parey move zerb e bann ki fer sa ki mal i prospere, zot pou ganny detri pour touzour.

Proverb 1:32

Annefe, bann fou pou disparet, akoz zot rezet lasazes. Bann fou i disparet par zot prop lensousyans.

Eklezyas 8:14

Lo later, i annan en lot keksoz ki pa fer sans: En zonm zis i pas pour en malfeter, e en malfeter i pas pour en zonm zis. Mon dir ki sa i vanite.

Ezai 41:21

SENYER i deklare: Prezant ou ka, Anmenn ou bann laprev, lerwa Zakob i deklare.

Ezai 48:8

Zanmen ou'n tande, zanmen ou'n konnen; depi lontan, ou zorey in reste bouse. Akoz mon ti konnen ki ou pa ti en tret e ki depi avan ou nesans, zot apel ou en rebel.

Zeremi 11:20

Alor mon ti priye: SENYER liniver! Ou ziz dimoun avek lazistis. Ou ki egzamin sekre konsyans ek leker tou dimoun. Mon'n met mon ka dan ou lanmen. Mon pou war ou fer revanz lo zot.

Zeremi 12:6

Annefe, menm bann manm ou prop fanmir in trai ou. Zot in fer konplo kont ou. Pa fer zot konfyans, menm ler zot vin anmyel ou avek bann zoli parol.

Zeremi 3:20

Me, parey en move fanm i kit son mari, pep Izrael in enfidel anver mwan, in kit mwan. SENYER ki deklare.

Zeremi 3:7

Mon ti krwar, SENYER ti dir, ki Izrael ti ava retourn kot mwan, apre tou sa bann forfe. Me i pa'n retournen. Zida son swadizan ser, sa tret, i'n temwen.

Zeremi 32:16

Kan mon ti'n donn Barouk, garson Neriya, bann lakt lavant, mon ti fer sa lapriyer:

Zeremi 5:11

Annefe, lepep rwayonm Izrael ek rwayonm Zida in vreman trai mwan, SENYER i deklare.

Zeremi 9:2

Si selman mon ti annan en landrwa dan dezer kot mon ti ava kapab ale, lwen avek mon pep! Zot tou, zot en bann tret ki viv dan adilter.

Lamantasyon 1:18

SENYER ti annan rezon azir konmsa anver mwan, akoz mon'n revolte kont son komannman. Tou bann pep! Ekout mwan: Get mon soufrans. Mon bann zenn fiy ek mon bann zennzan in ganny anvoye annegzil.

Ezekyel 18:25

Pourtan zot dir: Sa ki SENYER i fer pa zis. Ekoute pep Izrael! Eski mwan ki pa zis oubyen plito zot ki mal azir?

Danyel 9:14

Alor, SENYER in deside pour anvoy sa maler lo nou. SENYER, nou Bondye! Ou zis dan tou sa ki ou fer, me, nou pa'n ekout ou.

Danyel 9:7

Senyer, lazistis i pour ou! Me nou, nou kouver avek laont. Pep Zida, zabitan Zerizalenm, pep Izrael antye, bann ki pre e bann ki lwen, partou dan bann pei kot ou'n dispers nou, akoz sa pese lenfidelite ki zot in komet kont ou.

Oze 6:7

Parey zot ti fer dan pei Adan, zot pa'n respekte mon lalyans; zot pa'n reste fidel anver mwan.

Habakouk 1:4

Alor, lalwa nepli ganny pratike. Personn pa rann lazistis koman fodre. Malfeter i atak sa enn ki bon. Alor, lazistis i ganny bafwe bann ziz i rann bann zizman enzis.

Sofoni 3:5

Dan lavil, SENYER i montre lazistis. I pa fer nanryen ki enzis. Tou le bomaten, san zanmen manke, i rann son zizman. Malgre sa, malfeter i azir san okenn laont.

Malasi 2:17

Zot in fatig SENYER avek zot bann koze. Pourtan, zot demande: Ki mannyer nou'n fatig li? Zot fatig li kan zot dir: SENYER i aksepte tou bann malfeter e i kontan zot. Oubyen kan zot demande: Oli sa Bondye ki fer lazistis?

Malasi 3:15

Nou war bann arogan byennere, bann malfeter i prospere. Zot menm teste Bondye e zot pa ganny pini.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.