Zeremi 11:6 - Labib An Kreol Seselwa

⁶ SENYER ti dir mwan: Anons sa mesaz dan bann lavil Zida e dan bann semen Zerizalenm. Dir lepep ekout bann kondisyon sa lalyans e met zot an pratik.

Zeremi 11:6 ပူးပေါင်းရင်းမြစ်များ

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

Ezai 58:1

Kriy byen for! Pa per pou fer tande ou lavwa! Fer ou lavwa rezonnen parey en tronpet! Dir mon pep son bann fot e desandan Zakob son bann pese.

Zeremi 19:2

Sorti e al dan kote vale Ben Hinonm ki dan lantre laport bann Po kase. La, ou ava kriy mesaz ki mon pou donn ou.

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.

Zeremi 3:12

Alor Zeremi! Al anons sa mesaz avek tou bann zabitan dan Nor. Mwan SENYER ki deklare: Izrael enfidel, retourn kot mwan. Mon pa pou kontinyen pran lakoler avek ou akoz mwan SENYER, mon annan pitye pour ou. Mon pa pou gard lakoler avek ou pour touzour, SENYER i deklare.

Zeremi 7:2

Met ou debout devan laport tanp. La, ou ava anons zot sa mesaz:

Zakari 7:7

Pa sanmenm sa mesaz ki SENYER ti fer konnen par lentermedyer son bann ansyen profet. Dan sa letan bann zabitan Zerizalenm ti dan lape e latrankilite avek bann lavil dan zalantour, e Negev ek Sefela ti annan zabitan.

Levanzil dapre Zan 13:17

Aprezan ki zot konn sa, zot ava ere si zot met li an pratik.

Romen 2:13

Annefe, pa bann ki ekout Lalwa, ki ganny zistifye devan Bondye, me bann ki obei sa ki Lalwa i ordonnen, ki ganny zistifye.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Deterononm 4:5

Gete! Parey SENYER mon Bondye in ordonn mwan, mon'n ansenny zot bann regleman ek bann lalwa, pour ki zot obzerv zot dan pei kot zot pe ale pour pran posesyon.

Let Zak 1:22

Pa bezwen tronp zot lekor: Pa zis ekout Parol Bondye; fodre osi met li an pratik.