Zeremi 11:22 - Labib An Kreol Seselwa

²² SENYER liniver i deklare: Mon pou fer zot rann kont! Zot bann zennzan pou ganny masakre; zot bann zanfan pou mor lafen.

Zeremi 11:22 ပူးပေါင်းရင်းမြစ်များ

2 Kronik 36:17

Alor, SENYER ti livre zot dan lanmen lerwa Babilonyen ki ti atak zot pei. I ti masakre bann zennzan dan sanktyer, san okenn pitye pour personn: Ni zennzan, ni zenn fiy, ni adilt, ni vyeyar. I ti livre zot dan lanmen lerwa Babilonn.

Zeremi 18:21

Alor, les zot bann zanfan mor lafen; fer zot ganny touye dan lager. Pa les zot bann fanm ganny ankor zanfan e ki zot vin vev. Fer ki zot mari i mor avek en lepidemi; e bann zennzan i ganny touye dan lager.

Zeremi 21:14

Mon pou fer ou rann kont, dapre ou bann aksyon, SENYER i deklare. Mon pou met dife avek ou lafore; sa dife pou bril tou sa ki dan zalantour.

Zeremi 44:13

Parey mon ti pini bann zabitan Zerizalenm, mon pou osi detri sa bann ki viv Lezip par lager, lafanmin ek lepidemi.

Zeremi 49:26

Sa zour la, son bann zennzan pour ganny touye dan bann plas piblik, e tou son bann zenn gerye pou perdi zot lavi, SENYER liniver i deklare.

Zeremi 9:21

Lanmor in mont kot nou par lafnet; in antre dan nou zoli lakaz; i'n pran bann zanfan dan lari, ek bann zennzan dan bann plas piblik.

Lamantasyon 2:21

Zenn koman vye in tale dan lapousyer lo semen. Zenn fiy ek zenn garson in ganny masakre. Zour ou lakoler ti leve, ou'n touy zot, ou'n masakre zot san pitye.

Amos 4:10

Mon ti anvoy lepidemi lo zot, parey mon ti anvoy lo Lezip. Mon'n masakre zot bann zennzan dan lager, mon'n les zot bann seval ganny vole. Mon'n fer monte dan zot nennen piyanter lanmor dan zot bann kan. Malgre tousala, zot pa'n retourn ver mwan. SENYER ki'n deklare.