Zeremi 11:19 - Labib An Kreol Seselwa

¹⁹ Me mwan, mon ti parey en mouton dosil ki ti pe ganny anmennen labatwar. Mon pa ti konnen ki konplo ti pe ganny prepare kont mwan. Zot ti pe dir: Annou koup sa pye dibwa pandan ki i ankor ver. Annou touy li; konmsa personn pa pou rapel son non.

Zeremi 11:19 ပူးပေါင်းရင်းမြစ်များ

Liv Zob 28:13

Zonm pa konnen ki valer i annan; ou pa pou war li lo sa later.

Psonm 109:13

Son bann desandan pou disparet e son non pou ganny efase apartir dezyenm zenerasyon!

Psonm 112:6

Sa enn ki fer tousala, pa pou zanmen tonbe. I pa pou zanmen ganny oubliye.

Psonm 116:9

Alor, mon ti kapab mars dan prezans SENYER, lo later bann vivan.

Psonm 142:5

SENYER! Mon kriy ver ou. Mon dir: Ou menm mon labri, ou menm mon posesyon lo sa later.

Psonm 27:13

Mon sir ki mon pou war labonte SENYER lo sa later kot nou pe viv.

Psonm 31:13

Mon antann zot fer kalonmni lo mwan; lafreyer i partou otour mwan. Zot tou, zot in groupe kont mwan; zot pe fer konplo pour touy mwan.

Psonm 35:15

Me ler mwan mon ti dan maler, zot ti antour mwan e zot ti riy mwan. Bann bandi ki mon pa ti rekonnet pa ti arete maltret mwan.

Psonm 52:5

Alor, Bondye pou detri ou pour touzour; i pou sezi ou e trenn ou deor; i pou derasin ou lo later parmi bann vivan.

Psonm 83:4

Zot dir: Vini! Annou fer zot disparet koman en nasyon; fer sa non Izrael ganny oubliye pour touzour.

Proverb 10:7

Souvenir sa enn ki zis i anmenn benediksyon. Me non en malfeter pou tonm an pouritir.

Proverb 24:15

Pa met en pyez parey en malfeter kont lakaz sa enn ki zis; pa ravaz landrwa kot sa enn ki zis i reste,

Proverb 7:22

Toudswit i ti swiv li, parey en bef ki pe al labatwar, parey en fou ki ganny anmare pour li ganny pini,

Ezai 32:7

Bann fourb i mazin zis fer dimal; zot prepar bann konplo pour tronp bann pov avek mansonz, menm si en malere i dan son drwa.

Ezai 38:11

Mon ti dir ki mon pou nepli war SENYER lo later bann vivan; mon pa pou war bann et imen ankor parmi bann zabitan lemonn.

Zeremi 1:19

Zot pou lager kont ou; me zot pa pou kapab fer ou nanryen, akoz mon avek ou pour protez ou. SENYER i deklare.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Zeremi 20:10

Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Zeremi 26:8

Kan Zeremi ti'n fini dir tou sa ki SENYER ti'n ordonn li dir avek lepep, bann pret, bann profet e lepep antye ti sezi li e zot ti kriye: Ou merit lanmor!

Lamantasyon 3:60

Ou'n war tou zot vanzans; tou zot bann plan kont mwan.

Ezekyel 32:24

Lerwa Elanm i la, avek tou son larme otour son latonm. Zot tou, bann ensirkonsi, ki'n ganny masakre dan lager, zot ki ti ravaz later bann vivan, aprezan zot la, kouver avek laont, ansanm avek tou sa ki'n desann dan lemonn lanmor.

Danyel 9:26

Apre sa 62 semenn, sa enn ki'n resevwar lonksyon pou ganny detri, san personn pour defann li. Sef en larme ki pou vini, pou detri lavil ek sanktyer, me i pou ganny detri, e lager pou kontinyen ziska lafen; pou annan gran destriksyon.

Oze 9:8

Bondye in anvoy son profet pour vey lo Efraim; me zot met latrap pour li partou; i ganny atake menm dan tanp Bondye.

Nonm 1:14

dan tribi Gad: Eliasaf garson Deouel;