Zeremi 11:16 - Labib An Kreol Seselwa

¹⁶ Otrefwa, SENYER ti donn ou, ou pye zoliv ki annan zoli fey e ki plen avek bann zoli fri. Me dan milye en gran tanpet, SENYER pou met dife avek sa pye zoliv e tou son bann brans pou ganny brile konpletman.

Zeremi 11:16 ပူးပေါင်းရင်းမြစ်များ

Liv Zob 8:16

I ranpli avek lasev, dan ker soley, i tal son bann brans dan zarden.

Psonm 52:8

Me mwan, mon parey en pye zoliv ver dan tanp Bondye. Mon met mon konfyans dan fidelite Bondye pour touzour.

Psonm 80:16

Lennmi in met dife ladan, in koup li. Dan ou lakoler, fer zot disparet devan ou.

Psonm 80:17

Protez sa pep ki ou'n swazir; prezerv sa nasyon ki ou'n donn lafors.

Psonm 83:2

La ou bann lennmi pe revolte; dimoun ki ay ou pe vir kont ou.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Zeremi 2:21

Pourtan, mon ti'n plant ou koman en pye rezen bon kalite, en plant bon kalite e sir. Ki mannyer ou'n dezenere pour vin en pye rezen sovaz ki son bann fri i eg?

Zeremi 21:14

Mon pou fer ou rann kont, dapre ou bann aksyon, SENYER i deklare. Mon pou met dife avek ou lafore; sa dife pou bril tou sa ki dan zalantour.

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Oze 14:6

Son bann brans pou tale, son labote pou parey pye zoliv, son loder pou santi bon parey montanny Liban.

Matye 3:10

Konmela menm, lars in pare la obor rasin bann pye dibwa. Tou pye dibwa ki pa raport bon fri, pou ganny koupe e zet dan dife.

Levanzil dapre Zan 15:6

Tou dimoun ki pa reste ini avek mwan, parey en brans, i ganny rezete e i sek. Brans sek, i ganny ranmase, zet dan dife e ganny brile.

Deterononm 28:40

Ou teritwar ava ranpli avek bann pye zoliv, me ou pa pou ganny delwil pour pas lo ou, akoz bann fri pou koule e tonbe.

Revelasyon 11:4

Sa de temwen i sa de pye zoliv ek sa de portlanp ki devan Senyer later.