Zeremi 11:15 - Labib An Kreol Seselwa

¹⁵ Ki mon byenneme i vin fer dan mon tanp? I pa pe azir avek senserite. Eski son bann ve ek son bann lavyann sakre, i kapab fer li sape dan son maler?

Zeremi 11:15 ပူးပေါင်းရင်းမြစ်များ

Psonm 50:16

Me Bondye i demann sa malfeter: Akfer ou repet mon bann komannman e gard mon lalyans lo ou labous,

Psonm 60:5

Par ou pwisans, donn nou laviktwar; reponn nou e delivre bann ki ou kontan.

Proverb 10:23

Sa enn ki bet i kontan fer sa ki mal; me sa enn ki annan bon rezonnman i pratik lasazes.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Proverb 2:14

Sa bann dimoun, zot pran plezir dan lemal e zot lazwa i dan sa dimal.

Proverb 21:27

Sakrifis bann malfeter i degoutan; anplis, zot ofer li avek move lentansyon.

Proverb 26:18

Sa enn ki tronp son prosen e ki apre dir: Mon ti pe zwe,

Proverb 28:9

Sa enn ki bous son zorey pour li pa antann sa ki lalwa i dir, menm son lapriyer i donn degou.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Zeremi 12:7

La sa ki SENYER i deklare: Mon'n abandonn Izrael; Mon'n rezet mon nasyon prefere. Mon'n livre sa pep ki mon kontan dan lanmen son bann lennmi.

Zeremi 13:27

SENYER in war ou komet adilter; in tann ou bann tapaz kontantman. In war ou al kot bann fo bondye lo bann montanny e dan laplenn. Malerezman pour ou, Zerizalenm! Ou pa oule swiv mwan pour ou ganny pirifye. Ankor konbyen letan sa sityasyon i kapab dire?

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.

Zeremi 23:11

Ni bann profet, ni bann pret pa montre respe pour mwan. Mon'n war tou sa bann move aksyon ki zot komet menm dan tanp, SENYER i deklare.

Zeremi 3:14

Retourn kot mwan, pep enfidel. Akoz mwan ki zot SENYER, mon pou pran enn parmi zot dan sak lavil, de parmi zot ki sorti dan sak fanmir, e mon pou fer zot retourn Siyon.

Zeremi 3:8

In osi war sa ki'n arive avek rwayonm Izrael kan i ti tourn kont mwan. Akoz in komet adilter, mon'n divorse avek li e mon'n sas li. Malgre sa, Zida, son swadizan ser, sa tret, pa'n per mon pinisyon, e li osi, in al dan prostitisyon.

Oze 3:1

SENYER ti dir mwan ankor: Ale e kontan ankor en fanm adilter ki annan en galan. Kontan li parey SENYER i kontan pep Izrael, menm si zot al ver lezot Bondye e zot kontan pake rezen.

Matye 22:11

Kan lerwa ti antre pour war son bann envite, i ti remarke ki en zonm pa ti'n met lenz maryaz.

Levanzil dapre Lik 8:28

Kan i ti war Zezi, i ti konmans kriye. I ti tonm ater devan li, e i ti kriy byen for, “Zezi, Garson Bondye Treo! Ki ou pe rode avek mwan? Mon sipliy ou, pa tourmant mwan.”

Romen 11:28

Bann Zwif in vin lennmi Bondye akoz zot ti refiz Bonn Nouvel. Sa in tourn pour zot byen. Me si ou konsider swa ki Bondye in fer, bann Zwif in touzour zanmi Bondye, akoz zot bann zanset.

1 Korentyen 13:6

Lanmour pa montre kontantman dan lenzistis, me i rezoui dan laverite.

Let Pol pour bann Tit 1:15

Tou i pir pour sa enn ki pir. Me pour sa enn ki enpir, e ki refize krwar laverite, napa nanryen ki pir, akoz son lespri ek son konsyans i pouri.

Let Zak 4:16

Me ou, ki ou fer? Ou fer vantar! Sa kalite vantar i move.