Zeremi 11:12 - Labib An Kreol Seselwa

¹² Alor, bann zabitan Zerizalenm e lezot lavil Zida ava kriy osekour ver bann bondye, anver ki zot bril lansan. Me sa bann bondye pa pou kapab sov zot dan letan zot maler.

Zeremi 11:12 ပူးပေါင်းရင်းမြစ်များ

2 Kronik 28:22

Pandan sa bann moman kritik, Akaz ti fer plis sakrilez kont SENYER.

Ezai 45:20

Rasanble! Zot sirvivan bann nasyon. Aprose! Met zot ansanm. Zot pa konn nanryen, sa bann ki pronmnen avek zot zidol an bwa. Zot kontinyen sipliy en bondye ki pa kapab sov zot.

Ezai 46:7

Zot met li lo zot zepol e zot anmenn li; zot al depoz li dan son plas e i reste debout. I pa kapab bouze kot i ete. Si en dimoun i vin sipliy li, i pa reponn. I pa ni kapab sov personn dan son maler.

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Zeremi 2:28

Me oli ou bann bondye ki ou'n fabrike pour ou menm? Izrael! Ou ki annan otan bondye ki i annan lavil dan Zida, kan ou dan maler, dir zot vin sov ou si zot kapab.

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Deterononm 32:37

Alor i ava dir: Oli zot bann bondye kot zot ganny labri?

Deterononm 32:38

Oli sa ki ti manz lagres zot bann sakrifis e bwar diven zot bann lofrann? Zot devre leve e vin sekour zot, oubyen vin protez zot.

Ziz 10:14

Ale! Al kriy avek sa bann bondye ki zot in swazir. Dir zot vin sov zot dan zot detres.”