Zeremi 10:7 - Labib An Kreol Seselwa

⁷ Tou dimoun i devre rekonnet ou lotorite, koman lerwa tou bann pep. Ou tousel ki merit ganny sa loner. Parmi tou bann saz omonn, parmi tou bann lerwa, napa ki parey ou.

Zeremi 10:7 ပူးပေါင်းရင်းမြစ်များ

2 Rwa 17:39

Zot ava ador SENYER zot Bondye; i ava delivre zot dan lanmen zot bann lennmi.

1 Kronik 16:25

SENYER i gran e merit ganny loue. I pli terib ki tou lezot bondye.

Ester 1:13

Lerwa ti konsilte son bann saz ki ti konn byen lalwa. Annefe, bann zafer rwayal, ti touzour ganny regle avek led bann dimoun ki konn lalwa ek bann koutim.

Psonm 147:5

Nou SENYER i gran e son pouvwar i gran; son lentelizans napa limit.

Psonm 22:28

Annefe, SENYER i lerwa; i renny lo tou bann nasyon.

Psonm 47:3

In soumet bann pep anba nou dominasyon; in met bann nasyon anba nou kontrol.

Psonm 72:11

Tou bann lerwa ava prostern devan li e tou bann nasyon ava servi li.

Psonm 76:7

Ou formidab! Lekel ki kapab reste debout devan ou kan ou lakoler i leve?

Psonm 86:8

Napa okenn bondye ki parey ou, SENYER; napa nanryen parey bann mervey ki ou'n fer.

Psonm 86:9

Tou bann nasyon ki ou'n kree pou prosternen devan ou, SENYER e zot ava rann glwar ou non.

Psonm 89:6

Lekel dan lesyel ki parey SENYER? Lekel parmi bann zabitan dan lesyel ki parey SENYER?

Egzod 8:10

Faraon ti dir li, “Demen.” Moiz ti dir li, “Mon ava fer parey ou dir. Konmsa, ou ava konnen ki napa en lot parey SENYER, nou Bondye.

Egzod 9:14

Safwasi, mon pou anvoy tou kalite fleo lo ou, lo ou bann serviter e lo ou pep, pour ki ou ava konnen ki lo later antye, napa enn parey mwan.

Ezai 2:4

I pou rann zizman ant bann nasyon e donn konsey en kantite pep. Zot ava fer avek zot lepe zouti ki kiltiv later, servi zot lans koman en sekater pour tay brans. Nasyon pa pou pran zarm kont en lot; zot pou nepli aprann fer lager.

Zeremi 10:6

SENYER! Napa personn parey ou. Ou gran e ou non i gran e pwisan.

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Danyel 2:27

Danyel ti reponn: Napa okenn savan, okenn mazisyen, okenn deviner ki kapab montre lerwa sa rev mister ki lerwa pe demande.

Danyel 2:28

Me i annan en Bondye dan lesyel ki revel bann mister, e i'n montre lerwa Naboukodonozor sa ki pou arive dan lavenir. La ou rev ek bann vizyon ki ou'n gannyen dan ou sonmey:

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Levanzil dapre Lik 12:5

Mon ava montre zot lekel ki zot devre per: Zot devre per sa enn ki kapab touy lekor, e osi annan pouvwar pour zet zot dan lanfer. Mon dir zot: Sanmenm sa enn ki zot devre per.

1 Korentyen 8:6

pour nou, i annan en sel Bondye, Papa, kot tou keksoz i sorti, e pour ki nou egziste. I osi annan en sel Senyer, Zezi-Kri, par ki tou keksoz i egziste e par ki nou egziste.

Zozye 4:24

Konmsa, tou bann pep lo later ava konnen ki lanmen SENYER i pwisan, e ki zot touzour annan respe pour SENYER, zot Bondye.”

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.