Zeremi 10:25 - Labib An Kreol Seselwa

²⁵ Plito, devers ou lakoler lo sa bann nasyon ki pa ador ou e lo sa bann pep ki pa rekonnet ou. Zot in touy ou pep; zot in detri Izrael konpletman e zot in devaste son pei.

Zeremi 10:25 ပူးပေါင်းရင်းမြစ်များ

Liv Zob 18:21

Sanmenm sor bann malfeter. Menm sor pe esper sa enn ki pa konn Bondye.

Psonm 14:4

Eski sa bann malfeter i inyoran? Zot pe devor mon pep; zot pe manz son dipen. Zot pa ni priy SENYER.

Psonm 147:20

Zanmen in azir parey anver okenn lot nasyon. Zot pa konn son bann komannman. Loue SENYER!

Psonm 27:2

Si bann malfeter i atak mwan pour detri mwan, se zot menm mon bann ladverser e mon bann lennmi ki tranble e tonbe.

Psonm 69:24

Devers ou lakoler lo zot! Ki i bril zot parey en dife!

Ezai 43:22

Pourtan! Zakob, ou pa ti apel mwan. Izrael, ou'n fatige avek mwan.

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Ezai 9:12

Bann Arameen lo kote Les, bann Filisten lo kote Was, zot in devor Izrael avek lapeti. Malgre sa, lakoler SENYER pa'n kalme; son lanmen in reste touzour menasan.

Zeremi 11:1

SENYER ti koz avek Zeremi:

Zeremi 30:16

Alor, sa bann ki devor ou pou ganny devore. Ou bann lennmi, san eksepsyon, pou ganny deporte. Sa bann ki vol ou pou ganny vole. Sa bann ki pran sa ki ou annan pou konn menm sor.

Zeremi 50:17

Izrael i parey en mouton egare ki bann lyon pe atake. Lerwa Lasiri ti premye pou devor li. Dernyen, Naboukodonozor, lerwa Babilonn in vin kraz son bann lezo.

Zeremi 50:7

Zot in ganny devore par tou dimoun ki war zot. Zot bann lennmi ti dir: Nou pa'n fer nanryen mal, akoz sa bann zans in komet pese kont SENYER ki zot vre berze, lespwar zot bann zanset.

Zeremi 8:16

Lennmi i deza dan lavil Dann. Nou antann tapaz zot seval sorti depi laba. Tou later pe tranble. Nou lennmi in vin detri pei, nou lavil avek tou sa ki lo la e tou son bann zabitan.

Lamantasyon 2:22

Ou'n envit mon bann lennmi par tou kote, konmsi en zour lafet. Zour lakoler SENYER ti leve, personn pa'n kapab sape; napa okenn sirvivan. Mon lennmi in masakre bann zanfan ki mon'n elve, e ki mon'n dorlote.

Sofoni 1:6

Zot in tourn ledo avek SENYER, e pa'n rod SENYER ni konsilte li.

Sofoni 3:8

La sa ki SENYER i deklare: Esper mwan! Espere zour mon leve pour akiz zot. Mon'n deside rasanble bann nasyon, bann rwayonm, pour fer zot santi pwa mon gran lakoler. Mon pou detri pei antye par dife mon lakoler terib.

Zakari 1:15

Me mon tre ankoler kont bann nasyon ki krwar zot dan byen: Kan mon pa ti tro ankoler kont zot, zot in ogmant zot maler.

Levanzil dapre Zan 17:25

Papa! Ou ki zis, lemonn pa'n konn ou. Me mwan, mon'n konn ou, e zot konnen ki se ou, ki'n anvoy mwan.

Akt de Zapot 17:23

Annefe, letan mon ti pe pronmnen dan zot lavil e pe get avek atansyon bann lobze ki zot adore, mon ti remarke ki lo enn bann lotel i annan sa lenskripsyon: Pour en bondye enkoni. Alor, sanmenm sa Bondye ki zot adore san konn li, ki mon pe vin anons zot.

1 Korentyen 15:34

Serye zot, e aret fer pese. Serten parmi zot pa konn Bondye; sa i fer zot laont.

1 Tesalonisyen 4:5

Pa les zot ganny dominen par bann move dezir parey bann ki pa konn Bondye.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Revelasyon 16:1

Answit, mon ti antann en lavwa for sorti dan Tanp. I ti dir sa set lanz: Al devers sa set lakoup lakoler Bondye lo later.