Zeremi 10:24 - Labib An Kreol Seselwa

²⁴ Koriz ou pep, SENYER! Me pa tap li tro for. Pa pini li ler ou ankoler, sankwa nou pou ganny detri konpletman.

Zeremi 10:24 ပူးပေါင်းရင်းမြစ်များ

Liv Zob 6:18

Bann karavann i sanz direksyon; zot al perdi dan dezer e zot disparet.

Psonm 38:1

SENYER! Dan ou lakoler pa kondann mwan. Koriz mwan me pa avek lakoler.

Psonm 6:1

SENYER! Ou ankoler kont mwan; me pa pini mwan. Ou fatige avek mwan; me pa pini mwan.

Psonm 6:2

Pran pitye pour mwan, SENYER! Mon pe deperi; Geri mwan SENYER! Mon lekor antye pe tranble.

Ezai 28:28

Dible i ganny kraze pour fer dipen, me ou pa kontinyen tap bann zepi; ler ou diriz ou saret ki seval i trennen, ou pa kraz bann lagrenn.

Ezai 40:23

I abes bann sef e rann bann dirizan later koman nanryen ditou.

Zeremi 30:11

Mon avek ou pour sov ou, SENYER i deklare. Mon pou detri tou bann nasyon kot mon ti deport ou. Me ou, mon pa pou detri ou. Sepandan, mon pou koriz ou dapre lazistis. Annefe, mon pa pou kapab tret ou konmsi ou ti inosan.

Zeremi 46:28

Izrael! Ou ki mon serviter, Pa bezwen per, SENYER i deklare. Mon pou vin sov ou. Mon pou detri tou bann nasyon kot mon ti fer ou ganny deporte. Me mon pa pou detri ou. Menm si mon ti bezwen pini ou akoz ou ti merite, mon pa ti kapab tret ou koman en inosan.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.