Zeremi 10:21 - Labib An Kreol Seselwa

²¹ Nou bann sef i'n azir an fou: Zot pa'n rod konsey avek SENYER. Pour sa rezon, zot pa'n reisi e nou pep in ganny disperse dan tou kote.

Zeremi 10:21 ပူးပေါင်းရင်းမြစ်များ

Zeremi 10:14

Zot tro bet e zot pa konpran nanryen ditou. Bann fabrikan zidol i kanmi, akoz sa bann stati ki zot fer i fo; zot napa okenn lavi.

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Zeremi 12:10

Bann berze avek zot troupo in detri mon plantasyon rezen. Zot in pil lo mon later; zot in transform mon zoli plantasyon e fer li vin en dezer ranpli avek latristes.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Zeremi 22:30

La sa ki SENYER i deklare: Anrezistre sa zonm konmsi i napa zanfan. Son lavi in rate. Okenn son desandan pa pou renny lo Zida koman sikseser David.

Zeremi 49:32

Zot bann samo ek tou zot gran troupo pour vin en piyaz lager. Sa bann dimoun ki raz zot latanp, SENYER pou dispers zot dan tou direksyon e i pour anmenn dezas lo zot partou kote.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Zeremi 50:17

Izrael i parey en mouton egare ki bann lyon pe atake. Lerwa Lasiri ti premye pou devor li. Dernyen, Naboukodonozor, lerwa Babilonn in vin kraz son bann lezo.

Zeremi 8:9

Bann ki dir zot saz, in kanmi. Zot in pri e zot per, akoz zot in rezet parol SENYER. Oli zot lasazes?

Ezekyel 34:12

Parey en berze, ki pran swen son troupo ki'n disperse partou, mon pou rasanble tou mon troupo. Mon pou al rod zot partou la kot zot in disperse, dan sa zour movetan e gro fernwanr.

Zakari 10:3

Mon byen ankoler kont bann berze etranze, ki pretann diriz mon pep. Mon pou pini zot. Annefe, mwan SENYER liniver, mon pou pran swen mon troupo, pep Zida, ki'n vin son meyer seval dan lager.

Zakari 13:7

La sa ki SENYER liniver i deklare: Lepe! Leve kont mon berze, kont mon zanmi pros. Atak berze pour dispers bann mouton; mon lanmen pou atak bann ki pti.