Zeremi 10:15 - Labib An Kreol Seselwa

¹⁵ Zot napa okenn valer, zot en travay ridikil. Zour zizman, zot pou ganny detri.

Zeremi 10:15 ပူးပေါင်းရင်းမြစ်များ

Psonm 115:9

Pep Izrael! Met ou konfyans dan SENYER. I zot lafors e zot soutyen.

Ezai 41:24

Zot pa vo nanryen. Zot pa kapab fer nanryen. Swazir ou koman son bondye, i en keksoz degoutan.

Ezai 41:29

Zot tou, zot en bann nanryen ditou; zot travay pa vo nanryen; zot bann zidol i vid, zot en nanryen ditou.

Ezai 57:12

Mon pou fer konnen zot swadizan lazistis e zot bann aksyon. Me sa pa pou dan zot lentere.

Zeremi 10:11

La sa ki ou ava dir sa bann nasyon: Sa bann bondye ki pa'n kre ni lesyel ni later pou ganny detri lo later e zot pou disparet anba lesyel.

Zeremi 10:8

Tou sa bann saz, tou sa bann lerwa, zot bet, zot boufon. Kwa ki zot kapab ansenny ou? Zot zis en morso dibwa.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 18:15

Me mon pep in oubliy mwan e in al bril lansan devan bann fo bondye ki'n fer li tonbe dan semen, lo semen ki zot ti swiv dan tan lontan e al mars dan bann nouvo santye ki pa ankor trase.

Zeremi 43:12

Naboukodonozor pou met dife avek bann stati ki dan tanp Lezip; i pou bril sa bann stati, e anmenn zot Babilonn. Parey en berze i tir pis dan son lenz, i pou netway Lezip e personn pa pou oze met lanmen lo li.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Zeremi 51:18

Zot napa okenn valer, zot ridikil. Zour rann kont, zot pou ganny detri.

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Zeremi 8:19

Ekoute! Partou dan pei, mon pep pe kriy osekour: Eski SENYER in abandonn Zerizalenm? Eski son lerwa in rezet li? SENYER zot lerwa i reponn: Zot in fabrik bann fo bondye e zot in ador bann bondye etranze. Sanmenm sa ki fer mwan ankoler. Akoz zot ti fer sa?

Oze 9:7

Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.

Zonas 2:8

Bann ki ador bann fo bondye napa sans ganny sove.

Zakari 13:2

La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.

Akt de Zapot 14:15

“Bann zanmi! Akoz zot fer sa? Nou, nou zis bann zonm parey zot. Nou pe anmenn zot Bonn Nouvel pour ki zisteman, zot abandonn sa bann zidol initil e vin kot Bondye ki vivan, ki'n fer lesyel, later, lanmer ek tou sa ki egziste.

Deterononm 32:21

Zot ti rann mwan zalou avek bann fo bondye; zot ti provok mwan avek zot bann zidol. Alor, mon pou rann zot zalou avek bann dimoun ki pa en pep, provok zot avek en nasyon fou.

1 Samyel 12:21

Pa tourn kont li pour swiv bann fo bondye ki pa servi dan nanryen, ni kapab delivre zot, akoz zot pa vo nanryen.

1 Samyel 5:4

Lannmen ankor, ler zot ti leve granmaten, zot ti war Dagon lafas ater devan Kof SENYER: Latet Dagon ek son de lanmen ti'n kase e fannen devan laport; ti reste li zis lekor.