Zeremi 10:12 - Labib An Kreol Seselwa

¹² Par son pwisans SENYER in kre later. Par son lasazes i ti kre lemonn e son lentelizans in etal lesyel.

Zeremi 10:12 ပူးပေါင်းရင်းမြစ်များ

Zenez 1:1

O konmansman, Bondye ti kree lesyel ek later.

Zenez 2:5

ti napa okenn vezetasyon lo later. Okenn plant pa ti ankor pouse e okenn lagrenn pa ti ankor zermen. SENYER Bondye pa ti ankor anvoy lapli lo later e ti napa dimoun pour kiltiv later.

1 Kronik 16:26

Tou bondye bann nasyon i bann zidol, Me SENYER ki'n kre lesyel.

Liv Zob 26:7

I'n plas kote Nor lesyel dan vid, e fer later sispann dan nean.

Liv Zob 37:18

Eski ou kapab kre lesyel parey li e fer li klate parey en laglas an metal?

Liv Zob 9:8

Li tousel, i ti tal lesyel e mars lo bann laroul dan lanmer.

Psonm 104:2

Lalimyer i anvlop ou parey en dra; ou'n etal lesyel parey en tapi.

Psonm 104:24

SENYER! Ou'n fer tou keksoz; tou in ganny fer avek lasazes. Later i ranpli avek tou sa ki ou'n kree.

Psonm 119:90

Ou fidelite i pour touzour. Ou'n fikse later e i reste touzour an plas.

Psonm 24:2

I ti etabli son fondasyon dan lanmer; i ti fikse li dan profonder bann losean.

Psonm 33:6

Lesyel ti ganny kree par parol SENYER. Par souf son labous, in fer lesyel ek tou bann zetwal.

Psonm 65:7

Ou kalme tapaz lanmer; tapaz son bann laroul ek gronnyman bann nasyon.

Psonm 78:69

La, i ti konstri son sanktyer parey sa enn ki lo montanny. I ti fer son fondasyon solid pour touzour, parey later.

Psonm 93:1

SENYER i lerwa, in anvlope dan mazeste; i antoure avek lafors.

Proverb 3:19

SENYER ti poz fondasyon later avek son lasazes; lesyel ti ganny etabli par son konnesans.

Proverb 30:4

Lekel ki'n mont dan lesyel e ki'n desann? Lekel ki'n atrap divan dan kre son lanmen? Lekel ki'n anvlop delo dan son lenz? Lekel ki'n plas bann limit later? Ki mannyer i apele? Koman son garson i apele? Si ou konnen, dir mwan.

Ezai 37:16

SENYER liniver, Bondye Izrael, ou tronn i par lao bann seriben! Ou ki sel Bondye dan bann rwayonm lo later; ou ki'n kree lesyel ek later.

Ezai 40:22

Li menm SENYER ki reste par lao serk ki kouver later e son bann zabitan, zot parey sotrel. In tal lesyel parey en vwal leze. I tal li parey en latant pour zot reste.

Ezai 42:5

La sa ki Bondye i deklare, SENYER ki'n kree lesyel dan tou son grander; ki'n fer later avek tou son vezetasyon; ki donn lavi tou son bann zabitan, e son souf, tou sa bann ki viv lo later.

Ezai 44:24

La sa ki SENYER ou Sover ki ti form ou dan vant ou manman i deklare: Mwan menm SENYER ki'n kree tou keksoz. Tousel mon'n deroul lesyel e tousel, mon'n tal later.

Ezai 45:12

Mwan ki'n fer later e kree bann zonm ki viv lo la. Mwan menm ki'n tal lesyel; mwan ki komann bann larme zetwal.

Ezai 45:18

La sa ki SENYER i deklare, li ki'n kreater lesyel; sa Bondye ki'n kree later, ki'n form li e soutenir li; i pa'n kree li pour reste vid; me, i'n form li pour ki i ganny abite: Mwan menm SENYER, napa okenn lot.

Ezai 48:13

Mwan ki'n poz fondasyon later; par mon lanmen drwat mon'n deroul lesyel; ler mon apel zot, Toudswit, zot reponn lapel.

Ezai 49:8

La sa ki SENYER i deklare: Dan letan favorab, mon ti reponn ou. Zour delivrans, mon ti sekour ou; mon'n gard ou pour fer ou vin en lalyans pour lepep, pour ou relev sa pei e partaz bann patrimwann ki'n reste abandonnen;

Zeremi 10:13

Kan i fer tande son lavwa, delo i anmase dan lesyel; i fer monte bann gro nyaz depi lorizon; i fer zekler anmenn lapli; i fer divan sorti dan son rezerv.

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Zeremi 27:5

Mwan ki'n kre later, zonm ek bann zannimo ki viv lo later. Tou sa ki mon'n kree avek mon lafors e mon savwar fer, mon partaz li avek sa ki fer mwan plezir.

Zeremi 32:17

Senyer BONDYE! Kan ou ti kree lesyel ek later, ou ti montre ki pouvwar e ki lafors ou annan. Tou i fasil pour ou.

Zakari 12:1

En proklanmasyon sorti kot SENYER lo size Izrael: La sa ki SENYER ki'n tal lesyel e kree later, ki'n donn zonm lavi, i deklare:

Levanzil dapre Zan 1:3

Par li, tou keksoz ti ganny fer; napa nanryen dan kreasyon ki'n ganny fer san li.

Kolosyen 1:16

Annefe, par li, Bondye in kree tou sa ki egziste dan lesyel e lo later, sa ki vizib e sa ki envizib, pwisans spirityel, pouvwar, gouvernman ek lotorite. Tousala, in ganny kree par li e pour li.