Zeremi 10:10 - Labib An Kreol Seselwa

¹⁰ Me SENYER i vreman Bondye; i sa vre Bondye vivan, e lerwa pour touzour. Later i tranble devan son lakoler e bann nasyon i enpwisan.

Zeremi 10:10 ပူးပေါင်းရင်းမြစ်များ

Zenez 21:33

Abrahanm ti plant en pye dibwa la Berseba, pour mark sa landrwa akoz la, i ti envok non SENYER, Bondye eternel.

1 Rwa 18:39

Kan zot ti'n war sa, pep antye ti prosternen e dir, “SENYER, li menm ki Bondye! SENYER li menm ki Bondye.”

1 Rwa 8:60

pour ki tou pep lo later i rekonnet ki SENYER i Bondye, e ki napa en lot.

1 Kronik 29:11

Grander, pwisans, laglwar, laviktwar e mazeste i pour ou, SENYER. Tou sa ki egziste dan lesyel e lo later i pour ou. SENYER! Ou renny par lao tou.

2 Kronik 15:3

Pandan lontan, bann Izraelit pa'n konn vre Bondye, ni annan pret pour ansenny zot; zot pa ti konn lalwa.

Liv Zob 9:6

I fer later tranble lo son fondasyon. I fer li balanse lo son bann pilye.

Psonm 10:16

SENYER i lerwa pour touzour. Bann nasyon pou disparet dan son pei.

Psonm 100:3

Rekonnet ki SENYER i li menm Bondye ki'n kree nou e ki nou pour li. I nou berze e nou, nou son pep e mouton son troupo.

Psonm 100:5

Wi! SENYER i bon. Son fidelite i dire pour touzour. Son fidelite i reste pour touzour.

Psonm 104:32

I get later, e later in tranble; i tous bann montanny e zot ganny kouver avek lafimen.

Psonm 114:7

Later! Tranble devan SENYER, devan Bondye Zakob

Psonm 145:13

Ou renny pa pou zanmen fini e ou pouvwar i dire pour touzour. SENYER i tenir tou son promes. I montre son labonte dan tou sa ki i fer.

Psonm 146:6

I'n fer lesyel, later, lanmer ek tou sa ki egziste. I tenir son promes pour touzour.

Psonm 18:7

Alor, later ti tranble e ganny sekwe; bann fondasyon montanny ti osi tranble. Zot ti osi sekwe, akoz SENYER ti'n ankoler.

Psonm 29:10

SENYER i lo son tronn par lao delo. SENYER i lerwa pour touzour.

Psonm 31:5

Mon plas mon lavi dan ou lanmen. Ou'n delivre mwan, SENYER, Bondye fidel.

Psonm 42:2

Mon swaf pour Bondye, mon Bondye ki vivan. Kan eski mon pou kapab prezant mwan devan ou prezans?

Psonm 68:11

SENYER i donn lord; en gran lafoul fanm i anons sa bon nouvel:

Psonm 68:8

devan ou, Bondye Sinai! Devan ou, Bondye Izrael! Later ti tranble, lapli ti deverse depi lesyel.

Psonm 74:12

Pourtan, Bondye i mon Lerwa depi touzour. Ou'n donn nou souvan laviktwar dan nou pei.

Psonm 76:7

Ou formidab! Lekel ki kapab reste debout devan ou kan ou lakoler i leve?

Psonm 76:8

Lao dan lesyel, ou rann ou zizman. Zabitan later i per e zot reste trankil

Psonm 77:18

Tapaz ou loraz ti roule dan en tourbiyon; ou zekler ti alim lemonn; later ti tranble e sekwe.

Psonm 84:2

Mon vreman anvi antre dan sanktyer SENYER. Mon leker ek mon lekor antye i anvi sant lazwa ver Bondye vivan.

Psonm 9:8

I pou ziz lemonn avek lazistis; i pou ziz bann pep avek drwatir.

Psonm 90:11

Lekel ki kapab konn lafors ou lakoler? Nou lafreyer i osi gran ki ou lakoler.

Psonm 90:2

Avan ki ou ti kree bann montanny, avan ki ou ti form later ek lemonn, depi touzour e pour touzour, ou Bondye!

Psonm 93:2

Ou tronn i'n ganny etabli depi dan lantikite; ou egziste depi touzour.

Psonm 97:4

Bann zekler i ilimin lemonn; kan later i war sa, i tranble.

Ezai 37:17

SENYER! Avek en zorey atantif, ekout nou! Ouver ou lizye, SENYER, get byen! Ekout tou sa bann parol ki Senakerib in anvoye pour ensilte Bondye vivan.

Ezai 37:4

Petet SENYER ou Bondye in antann bann parol Ed de kan ki son met, lerwa Asiri, in anvoye pour ensilte Bondye vivan; petet ki i ava pini li pour sa bann parol ki SENYER ou Bondye in tande. Alor, priy pour restan pep ki ankor vivan.

Ezai 40:15

Bann nasyon i parey en gout delo obor en seo. Zot pa pez plis ki lapousyer dan en balans. Zabitan bann zil pa pez plis ki en gren lapousyer ki anvole.

Ezai 40:28

Eski zot pa konnen? Eski zot pa'n tande? SENYER ki Bondye depi touzour e pour touzour, i Kreater later antye. I pa zanmen afebli; zanmen i fatige, son lentelizans napa okenn limit.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 65:16

Alor, tou dimoun dan pei, ki oule en benediksyon, pou ganny li lo non Bondye fidel. Tou dimoun ki dan sa pei, ki fer en ve, pou fer li lo non Bondye fidel; akoz bann detres lepase i'n ganny oubliye. Mon dir ou, zot pou ganny efase devan mwan.

Zeremi 23:36

Fodre pa ki lepep i koz lo fardo ki SENYER in met lo nou, akoz parol SENYER i zanmen en fardo. Si ou koz konmsa, ou pe detourn Parol Bondye ki vivan, SENYER liniver, nou Bondye.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Zeremi 4:24

Mon ti gete: Bann montanny ti pe tranble, e bann kolin ti pe sekwe.

Zeremi 50:46

Kan Babilonn pou ganny kaptire, later pou tranble; son bann apel osekour pour ganny tande parmi bann nasyon.

Zeremi 51:29

Later i tranble; i tranble avek lafreyer kan SENYER i realiz son proze pour fer Babilonn vin en dezer kot personn pa pou vin reste.

Danyel 4:3

Son bann mirak i gran! Son bann mervey i pwisan! Son rwayonm i eternel! Son renny i dire pour touzour dan tou zenerasyon!

Danyel 4:34

Plitar, apre ki sa set an ti'n pase, mwan, Naboukodonozor, mon ti lev mon lizye ver lesyel e mon ti reganny mon bon rezonnman. Mon ti remersye Bondye Toupwisan, e rann glwar ek loner sa enn ki viv eternelman. Son pouvwar rwayal i pour touzour, son rwayonm pou dire pour touzour, atraver tou zenerasyon.

Danyel 6:26

Mon ordonnen ki partou dan mon rwayonm, tou dimoun i montre respe ek loner anver Bondye Danyel. Annefe, Bondye i vivan e i viv pour touzour! Son rwayonm pa pou zanmen ganny detri! Son dominasyon pou reste ziska lafen.

Danyel 6:27

I delivre e i sove. I akonpli bann siny ek mervey dan lesyel e lo later. I'n delivre Danyel dan grif bann lyon.

Danyel 7:14

I ti resevwar lotorite, loner ek rwayote; tou bann pep, tou bann nasyon, dimoun ki sorti dan tou langaz ti servi li. Son pouvwar pou reste pour touzour. Son renny pa pou zanmen fini. Son rwayonm pa pou zanmen ganny detri.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Mise 1:4

Bann montanny pou fonn anba son lepa, e bann vale pou ouver. Zot pou fonn parey lasir devan dife, parey delo ki koule lo en lapant.

Nahoum 1:5

I fer tranble bann montanny, e fer fonn bann kolin. Dan son prezans, later i boulverse, e lemonn antye avek tou son zabitan.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Habakouk 3:10

Bann montanny i war ou, zot tranble avek lafreyer. Lapli i tonm avek lafors; losean i ronfle. I anvoy son laroul anler.

Habakouk 3:6

Kan i arete, later i tranble. I get bann nasyon, zot tranble. Bann montanny ansyen i fann an de; bann kolin ek bann santye ki la depi lontan, zot afese; zot ki otrefwa ti son semen.

Malasi 3:2

Me lekel ki pou kapab reziste sa zour kan i vini? Lekel ki pou reste debout kan i pou aparet? Annefe, i pou parey dife ki fonder i servi pour netway metal, parey savon ki blansisez i servi.

Matye 16:16

Simon Pyer ti reponn, “Ou menm Mesi, Garson Bondye vivan.”

Matye 26:63

Me Zezi ti gard silans. Alor, Gran-Pret ti dir li, “Lo non Bondye vivan, mon demann ou, dir nou si ou menm Mesi, Garson Bondye.”

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Akt de Zapot 14:15

“Bann zanmi! Akoz zot fer sa? Nou, nou zis bann zonm parey zot. Nou pe anmenn zot Bonn Nouvel pour ki zisteman, zot abandonn sa bann zidol initil e vin kot Bondye ki vivan, ki'n fer lesyel, later, lanmer ek tou sa ki egziste.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Deterononm 5:26

Annefe, lekel sa zonm parey nou, ki'n antann lavwa Bondye vivan koze depi dan milye dife e ki'n reste vivan?

1 Tesalonisyen 1:9

Dimoun i rakonte ki mannyer zot in akey nou e koman zot in abandonn bann zidol pour servi Bondye ki vivan e vre.

1 Timote 1:17

Annou rann loner ek laglwar anver Lerwa eternel, sel Bondye imortel e envizib pour touzour! Amenn.

1 Timote 6:17

Pour bann ki posed larises dan sa monn, rekomann zot pa fer vantar. Dir zot pa met zot lesperans dan sa bann larises enserten, me dan Bondye ki donn nou tou keksoz annabondans pour nou zouir.

Ebre 10:31

I terib pour tonm dan lanmen Bondye ki vivan.

Zozye 3:10

Zozye ti dir: La ki mannyer zot ava konnen ki Bondye vivan i parmi zot, e ki i pou sas bann Kananeen, bann Hitit, bann Hivit, bann Perizit, bann Girgasit, bann Amorit e bann Zebizit devan zot.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.

Revelasyon 20:11

Apre, mon ti war en gran tronn blan e sa enn ki ti pe asiz lo la. Later ek lesyel ti disparet devan li; ti napa plas ankor pour zot.

Ziz 5:4

SENYER! Ler ou ti sorti Seir, ler ou ti marse depi rezyon Edonm, later ti tranble, lapli ti tonbe, bann nyaz ti devers delo,

1 Samyel 17:26

David ti dir avek bann zonm ki avek li, “Ki zot pou fer pour sa enn ki ava touy sa Filisten e tir laont lo Izrael? Lekel li sa Filisten, en non sirkonsi, ki oze provok bann troup Bondye vivan?”

1 Samyel 17:36

Konmsa ki mon'n touy lyon ek lours; sa Filisten sa non sirkonsi pou pas parey enn ant zot, akoz in provok troup Bondye vivan.”