Zeremi 1:17 - Labib An Kreol Seselwa

¹⁷ Zeremi! Met ou pare pour al dir zot tou sa ki mon ordonn ou. Pa bezwen per zot, akoz mwan ki pou fer ou tranble devan zot.

Zeremi 1:17 ပူးပေါင်းရင်းမြစ်များ

1 Rwa 18:46

Lanmen SENYER ti lo Eli ki ti ser son sang en otour son leren; i ti taye devan Akab ziska lantre lavil Zizreel.

2 Rwa 1:15

Mesaze SENYER ti dir Eli, “Desann avek li; pa per li.” Eli ti desann avek li kot lerwa.

2 Rwa 4:29

Elize ti dir Gehazi, “Met ou sang dan ou leren, pran mon baton dan ou lanmen e ale. Si ou rankontre en dimoun dan semen, pa dir li bonzour, e si en dimoun i dir ou bonzour, pa reponn li. Ler ou arive, met mon baton lo figir sa garson.”

2 Rwa 9:1

Apre, profet Elize ti apel enn parmi bann profet. I ti dir li, “Met en sang otour ou leren, pran en fyol delwil dan ou lanmen e al Ramot-Galaad.

Liv Zob 38:3

Met ou pare konman en zonm. Mon pou kestyonn ou e ou ava reponn mwan.

Egzod 3:12

Bondye ti dir li, “Mon pou avek ou. La siny ki se mwan ki anvoy ou: Kan ou ava'n fer pep Izrael sorti Lezip, zot pou vin ador Bondye lo sa montanny.”

Egzod 7:2

Ou, ou ava dir tou sa ki mon ava ordonn ou. Aaron ou frer, ava koz avek Faraon, pour ki i les bann Izraelit kit Lezip.

Zeremi 1:18

Konmansman ozordi, mon pou donn ou lafors pour reziste. Devan bann lerwa dan Zida, bann zofisye, bann pret e devan bann sitwayen sa rwayonm, mon fer ou vin parey en lavil fortifye, en pilye an feray, en miray an bronz.

Zeremi 17:18

SENYER! Fer onte sa bann ki persekit mwan; me eparny mwan. Fer zot tranble avek lafreyer, me eparny mwan. Fer zour maler tap zot, detri zot konpletman.

Zeremi 23:28

Sa profet ki'n ganny en rev, i devre rakont son rev! Sa profet ki'n antann en mesaz ki sorti kot mwan, i devre proklanm sa mesaz avek fidelite! Ki lapay pe fer avek dible? SENYER i deklare.

Zeremi 26:12

Alor, Zeremi ti reponn bann sef ek lepep antye, “SENYER ki'n anvoy mwan anons tou sa ki zot in antann mwan dir kont sa tanp e kont Zerizalenm.

Zeremi 26:2

La sa ki mwan, SENYER, mon deklare: Al met ou debout dan lakour tanp e anons tou sa ki mon'n demann ou dir sa pep ki sorti depi bann lavil Zida pour vin ador mwan. Pa mank okenn parol dan mon mesaz.

Zeremi 36:8

Alor Barouk, garson Neriya, ti fer tou sa ki Zeremi ti'n ordonn li: Dan tanp, i ti lir dan liv, tou bann parol ki SENYER ti'n dir.

Lamantasyon 3:57

Kan mon ti apel ou, ou ti vin pre avek mwan. Ou ti dir mwan: Pa per!

Zonas 3:2

Leve! Al Niniv, sa gran lavil, e proklanm sa mesaz ki mon dir ou.

Levanzil dapre Lik 12:35

“Met zot pare, zot sang otour zot leren e gard zot lalanp alimen.

Akt de Zapot 20:20

Zot konnen ki mon pa'n kasyet nanryen ki ti kapab itil pour zot, kan mon'n ansennyen an piblik e dan zot lakaz.

Akt de Zapot 20:27

Annefe, mon pa'n negliz nanryen pour anons zot plan Bondye an antye.

1 Korentyen 9:16

Pa akoz mon anons Bonn Nouvel ki mon annan rezon vant mon lekor, akoz sa i en lobligasyon pour mwan. Maler pour mwan si mon pa anons Bonn Nouvel!

1 Tesalonisyen 2:2

Zot osi konnen ki, avan nou ti vin kot zot, nou ti ganny ensilte e maltrete dan lavil Filipi. Malgre en gran lopozisyon, Bondye ti donn nou kouraz pour anons zot Bonn Nouvel.

1 Pyer 1:13

Alor, gard zot lespri touzour alert, reste touzour vizilan. Met tou zot lesperans dan lagras ki zot pou resevwar kan Zezi-Kri pou ganny revele.