Zenez 9:3 - Labib An Kreol Seselwa

³ Mon pou donn zot koman nouritir tou sa ki bouze lo later ek tou sa ki vivan, parey mon ti'n donn zot bann plant; mon donn zot tousala pour manze.

Zenez 9:3 ပူးပေါင်းရင်းမြစ်များ

Zenez 9:2

Tou bann zannimo lo later, tou zwazo dan lesyel, tou bann pti bebet ki bouze lo later ek tou pwason dan lanmer pou per ou e soumet devan ou.

Levitik 22:8

I pa devre manz zannimo ki'n mor, ni sa ki'n ganny desire par bebet sovaz; sa i ava rann li enpir. Mwan menm SENYER.

Romen 14:14

Mon konnen e mon asire par Senyer Zezi, napa nanryen ki enpir. Me si en dimoun i konsider en keksoz enpir, alor, sa keksoz i enpir pour li.

Romen 14:17

Rwayonm Bondye pa en zafer manze ek bwar, me i lazistis, lape ek lazwa dan Lespri Sen.

Romen 14:20

Pa detri travay Bondye pour en zafer manze. An realite, tou keksoz i bon; me i mal si ou ofans ou frer par sa ki ou manze.

Romen 14:3

Sa enn ki manze, pa devre mepriz sa enn ki pa manze, e sa enn ki pa manze pa devre kritik sa enn ki manze, akoz li osi, Bondye in aksepte li.

1 Korentyen 10:23

Zot dir: Nou kapab fer tou. Dakor, me pa tou ki itil. Tou i permet, me pa tou ki konstriktif.

1 Korentyen 10:31

Alor, kwa ki ou manze, kwa ki ou bwar, nenport kwa ki ou fer, fer tou pour laglwar Bondye.

Deterononm 12:15

Sepandan, kan ou ava anvi, ou ava kapab touy en zannimo e manz lavyann dan nenport bann lavil dapre bann benediksyon ki SENYER, ou Bondye in akord ou. Dimoun enpir e dimoun pir ava kapab manz sa lavyann, konmsi zot ti pe manz lavyann gazel oubyen serf.

Kolosyen 2:16

Pa les personn pas zizman lo zot konsernan sa ki zot manze oubyen bwar, konsernan bann zour lafet, nouvellin oubyen bann saba.