Zenez 9:2 - Labib An Kreol Seselwa

² Tou bann zannimo lo later, tou zwazo dan lesyel, tou bann pti bebet ki bouze lo later ek tou pwason dan lanmer pou per ou e soumet devan ou.

Zenez 9:2 ပူးပေါင်းရင်းမြစ်များ

Zenez 1:21

Alor, Bondye ti kree osi bann gran mons maren ek tou lespes kreatir ki viv dan delo. I ti osi kree tou zwazo avek lezel dapre sak lespes. Bondye ti war ki sa ti bon.

Zenez 1:26

Apre, Bondye ti dir: Annou kree et imen dan nou limaz e dan nou resanblans. I ava soumet anba son dominasyon, tou pwason dan lanmer, tou zwazo dan lesyel ek tou bann zannimo lo later!

Zenez 1:28

Bondye ti beni zot. I ti dir: Zot ava fer zanfan, zot ava ogmante e ranpli later; zot ava soumet anba zot dominasyon, tou pwason dan lanmer, tou zwazo dan lesyel ek tou zannimo ki bouze lo later!

Zenez 2:19

Alor, avek later, SENYER Bondye ti form tou bann zannimo ek tou zwazo. I ti anmenn zot kot zonm pour li donn zot en non. Konmsa, tou et vivan ava port non ki zonm ava donn li.

Zenez 35:5

Pandan ki zot ti pe ale, lafreyer Bondye ti tonm lo bann lavil otour zot, e personn pa ti pourswiv bann garson Zakob.

Zenez 9:1

Bondye ti beni Noe ek son bann garson. I ti dir zot: Fer bokou zanfan, ogmant ou fanmir e ranpli later.

Zenez 9:3

Mon pou donn zot koman nouritir tou sa ki bouze lo later ek tou sa ki vivan, parey mon ti'n donn zot bann plant; mon donn zot tousala pour manze.

Liv Zob 39:11

Eski ou kapab fye li akoz son gran lafors, e les li fer tou travay dir?

Ezekyel 34:25

Mon pou fer en lalyans lape avek zot e fer disparet tou zannimo feros dan sa pei. Konmsa zot ava kapab viv anpe dan dezer e dormi dan bwa an sekirite.

Oze 2:18

Alor, sa zour mon pou fer en lalyans avek tou bann zannimo sovaz, bann zwazo dan lezer, e avek tou bann pti bebet lo later. Mon pou detri tou bann fles, lepe ek tou zarm lager. Mon pou fer zot disparet dan pei e permet bann zabitan dormi an sekirite.

Levitik 26:22

Mon pou anvoy kont zot bann zannimo sovaz ki ava touy zot bann zanfan e detri zot bann troupo. Zot pou disparet e zot semen pou vin dezer.

Levitik 26:6

Mon pou met lape dan pei; personn pa pou vin trakas zot. Mon pou detri bann zannimo feros dan pei e lepe pa pou travers zot pei.

Let Zak 3:7

Tou bann lespes zannimo ek zwazo, reptil ek pwason, zot kapab ganny donte. Annefe, zot ganny donte par zonm.