Zenez 8:1 - Labib An Kreol Seselwa

¹ Bondye ti mazin Noe ek tou bann zannimo sovaz ek zannimo domestik ki ti avek li dan lars. I ti fer en divan soufle lo later e delo ti konmans desann.

Zenez 8:1 ပူးပေါင်းရင်းမြစ်များ

Zenez 19:29

Letan Bondye ti detri bann lavil dan sa rezyon, i ti mazin Abrahanm. I ti sov Lot dan maler destriksyon sa bann lavil kot i ti reste.

Zenez 30:22

Bondye ti mazin Rasel e i ti rann li kapab ganny zanfan.

Zenez 9:10

osi avek tou kreatir vivan ki avek ou: Zwazo, zannimo domestik, zannimo sovaz, tou bann ki'n sorti dan lars avek ou; tou zannimo lo later.

Nehemi 13:14

Mon Bondye! Mazin mwan, akoz sa. Pa efas bann bon aksyon ki mon'n fer avek fidelite pour tanp mon Bondye e pour son servis.

Nehemi 13:22

Mon ti osi demann bann levit pour pirifye zot, pour vin vey bann laport pour fer sir ki saba i reste en zour sakre. Pour sa osi, mon Bondye, mazin mwan e protez mwan dan ou gran fidelite!

Nehemi 13:29

Mazin zot, mon Bondye, akoz zot in sali saserdos ek lalyans bann pret ek bann levit.

Nehemi 13:31

Mon ti osi retabli bann lofrann dibwa, dan lepok fikse, ensi ki bann premye fri. Mazin mwan, mon Bondye e azir dan mon faver!

Liv Zob 12:15

Si i anpes lapli tonbe, later i reste sek. Si i larg delo, later i ganny devaste.

Liv Zob 14:13

Mon ti ava kontan ou kasyet mwan dan lemonn lanmor; kasyet mwan la ziska ki ou lakoler i pase. Ou ava fikse en letan kan ou pou mazin mwan.

Psonm 105:42

I pa oubliy son promes sakre ki i ti'n fer avek son serviter Abrahanm.

Psonm 106:4

SENYER! Mazin mwan, pran ka avek ou pep, sekour mwan.

Psonm 115:12

SENYER i mazin nou; i pou beni nou. I pou beni pep Izrael; i pou beni desandan pret Aaron.

Psonm 132:1

SENYER! Pa oubliy David. Mazin tou bann soufrans ki i'n sibir.

Psonm 136:23

I pa oubliy nou dan nou labesman; son fidelite i dire pour touzour.

Psonm 137:7

SENYER! Pa oubliy sa ki bann Edomit ti dir zour Zerizalenm ti tonbe. Zot ti dir: Kraz sa lavil! Kraz sa lavil! Kraz li ziska son fondasyon!

Psonm 29:10

SENYER i lo son tronn par lao delo. SENYER i lerwa pour touzour.

Psonm 36:6

Ou lazistis i depas bann montanny; ou bann zizman i desann ziska dan profonder lanmer. SENYER! Ou sov bann et imen ek bann zannimo.

Egzod 14:21

Alor, Moiz ti lev son lanmen lo lanmer. Pandan tou lannwit, SENYER ti fer lanmer rekile par en gro divan Les, e fer lanmer vin sek.

Egzod 15:10

Ou ti fer soufle ou divan e lanmer ti kouver zot. Zot ti koule parey diplon dan en lanmer formidab.

Egzod 2:24

Bondye ti antann zot soupir. I ti rapel son lalyans ki i ti'n fer avek Abrahanm, Izaak ek Zakob.

Proverb 25:23

Vandnor i anmenn lapli; mansonz, i anmenn lakoler.

Ezai 44:27

Mwan ki dir avek losean: Vin sek. Mon pou fer sek bann larivyer.

Zeremi 50:38

Lasesres kont son bann larivyer! Fer zot vin sek! Sa pei i ranpli avek bann stati ki fer per e ki'n bat latet bann zabitan.

Amos 8:7

SENYER in fer sa serman par Zakob: Mon pa pou zanmen oubliy zot bann aksyon.

Zonas 4:11

Eski mwan, mon pa devre pran pitye pour Niniv, sa gran lavil ki annan plis ki 120,000 zabitan inosan ki pa konn zot lanmen drwat avek zot lanmen gos, ensi ki en kantite zannimo?”

Nahoum 1:4

I komann lanmer e lanmer i vin sek; i fer sek tou bann larivyer. Laplenn Basann ek Karmel i deperi; fler Liban i fletri.

Habakouk 3:2

SENYER! Mon'n antann koz lo ou bann mervey. SENYER! Mon tranble devan ou bann gran aksyon. Pandan ki nou ankor vivan, fer ankor sa bann mervey. Fer zot ganny konnen! Me dan ou lakoler, pa oubliy ou konpasyon.

Zakari 10:11

Zot pou travers lanmer Lezip; pou nepli annan gro laroul. Larivyer Nil pou sek ziska dan son profonder. Asiri pou ganny imilye; Lezip ki pwisan, pou perdi son pouvwar.

Nonm 10:9

Ler zot sorti dan zot pei pour al lager kont lennmi ki pe atak zot, soufle sinyal lager lo sa bann tronpet. Konmsa, SENYER zot Bondye, pa pou oubliy zot e i ava vin delivre zot kont zot lennmi.

Nonm 22:32

Lanz SENYER ti demann li, “Akoz ou'n bat ou bourik? La i fer trwa fwa. Mon'n vin pour anpes ou fer sa vwayaz, akoz sa semen pou anmenn maler lo ou.

Revelasyon 16:19

Sa gran lavil ti diviz an trwa parti. Bann lavil dan bann pei antye ti ganny detri. Alor, Bondye ti rapel gran Babilonn e i ti fer li bwar lakoup diven son gran lakoler.

Revelasyon 18:5

Annefe, son bann pese in akimile ziska oter lesyel. Bondye pa'n oubliy son bann forfe.

1 Samyel 1:19

Lannmen byen granmaten, zot ti leve e al ador SENYER. Apre, zot ti retourn se zot Rama. Elkana ti dormi avek son fanm Ann, SENYER ti ekout lapriyer Ann.