Zenez 7:7 - Labib An Kreol Seselwa

⁷ Noe ti antre dan lars avek son bann garson, son fanm ek son bann belfiy pour sov deliz.

Zenez 7:7 ပူးပေါင်းရင်းမြစ်များ

Zenez 6:18

Mon pou etabli mon lalyans avek ou; ou ava antre dan lars ou, ou bann garson, ou fanm ek bann fanm ou bann garson.

Zenez 7:1

SENYER ti dir Noe, “Antre dan lars, ou avek ou fanmir, akoz mon'n remarke ki dan sa zenerasyon zis ou ki fidel anver mwan.

Proverb 22:3

Ler maler i vini, en zonm pridan i war e i al kasyet; sa enn ki san leksperyans, i fonse e i pey son konsekans.

Matye 24:38

Dan sa bann zour avan deliz, dimoun ti pe manze e bwar, dimoun ti pe marye e fer marye zot zanfan, ziska zour ki Noe ti antre dan lars.

Levanzil dapre Lik 17:27

Dimoun ti manze, bwar, marye e donn an maryaz ziska zour ki Noe ti antre dan lars e deliz ti arive e detri zot tou.

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

1 Pyer 3:20

savedir avek bann ki ti'n dezobei Bondye otrefwa. Bondye ti esper avek pasyans pandan ki Noe ti pe konstri son bato, dan lekel en pti group dimoun, wit an tou, ti ganny sove atraver delo.

2 Pyer 2:5

Bondye pa'n eparny lemonn ansyen, me i ti anvoy deliz lo son bann move zabitan. I ti prezerv lavi wit dimoun ansanm avek Noe, ki ti proklanm lazistis.