Zenez 7:1 - Labib An Kreol Seselwa

¹ SENYER ti dir Noe, “Antre dan lars, ou avek ou fanmir, akoz mon'n remarke ki dan sa zenerasyon zis ou ki fidel anver mwan.

Zenez 7:1 ပူးပေါင်းရင်းမြစ်များ

Zenez 6:18

Mon pou etabli mon lalyans avek ou; ou ava antre dan lars ou, ou bann garson, ou fanm ek bann fanm ou bann garson.

Zenez 6:9

La lalis bann desandan Noe. Dan zenerasyon sa lepok, Noe ti en zonm zis e san repros. I ti mars avek Bondye.

Zenez 7:13

Sa menm zour, Noe ti antre dan lars avek son trwa garson, Senm, Kanm ek Zafet, son fanm ek bann fanm son trwa garson,

Zenez 7:7

Noe ti antre dan lars avek son bann garson, son fanm ek son bann belfiy pour sov deliz.

2 Samyel 22:24

Mon san repros devan li. Mon'n evit fer okenn pese.

Proverb 10:9

Sa enn ki viv onnetman i mars an sekirite; me sa enn ki swiv move semen pou ganny pini.

Proverb 14:26

Sa enn ki annan respe pour SENYER i viv dan konfyans; son bann zanfan i viv an sekirite.

Proverb 18:10

Non SENYER i en tour solid; i en proteksyon pour sa enn ki zis.

Ezekyel 14:14

Menm si sa trwa zonm i parmi zot: Noe, Danyel ek Zob, zis zot ki ava sov zot lavi, par zot fidelite, Senyer BONDYE ki deklare.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Levanzil dapre Lik 17:26

Sa ki ti arive dan lepok Noe, i pou osi arive dan lepok Fis-de-Lonm.

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Ebre 11:7

Par lafwa, Noe ti ekout bann lavertisman ki Bondye ti donn li konsernan keksoz ki ziska prezan personn pa ti'n ankor war. Noe ti obei e konstri en bato pour sov son fanmir. Konmsa, i ti kondann lemonn, e gras a son lafwa, Bondye ti rekonnet li koman en zonm zis.

1 Pyer 3:20

savedir avek bann ki ti'n dezobei Bondye otrefwa. Bondye ti esper avek pasyans pandan ki Noe ti pe konstri son bato, dan lekel en pti group dimoun, wit an tou, ti ganny sove atraver delo.