Zenez 6:7 - Labib An Kreol Seselwa

⁷ I ti dir: Mon pou detri lo later bann et imen ki mon'n kree. Mon pou detri depi zonm, zannimo, pti bebet ek zwazo dan lesyel. Mon regrete mon'n kree zot.

Zenez 6:7 ပူးပေါင်းရင်းမြစ်များ

Zenez 6:6

SENYER ti regrete ki i ti'n fer bann et imen e met zot lo later; i ti aflize.

Zenez 7:21

Tou sa ki ti vivan lo later ti mor: Zwazo, zannimo, bann pti bebet ek tou dimoun.

Zenez 7:4

Dan ankor set zour, mon pou fer lapli tonbe lo later pandan 40 zour e 40 nwit; mon pou fer disparet lo later tou bann et vivan ki mon'n fer.”

Zenez 8:21

Loder son sakrifis ti fer plezir SENYER ki ti dir dan li menm: Mon pa pou zanmen modi later ankor akoz bann et imen. I vre ki depi son lazenes, leker zonm i move. Zanmen ankor mon pou detri bann vivan parey mon'n fer.

Psonm 37:20

Me bann malfeter pou ganny detri. Bann lennmi SENYER pou disparet parey bann fler dan lakanpanny. Zot pou ale, zot pou disparet parey lafimen.

Proverb 10:27

Respe pour SENYER i fer viv pli lontan; me lavi bann malfeter i ganny rakoursi.

Proverb 16:4

Tou sa ki SENYER in fer i pour en rezon, menm bann malfeter, pour zot ganny pini zour maler.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Oze 4:3

Pour sa rezon pei pou dan dey, son bann zabitan pe deperi ansanm avek bann zannimo sovaz, bann zwazo dan lesyel. Menm bann pwason dan lanmer pe disparet.

Amos 7:3

Alor, SENYER ti regrete. I ti dir: Sa pa pou arive.

Amos 7:6

Alor, SENYER ti sanz son lide. I ti dir: Sa osi pa pou arive.

Sofoni 1:18

Ni zot larzan, ni zot lor pa pou kapab sov zot. Dife son zalouzi pou devor later antye. Sa pou en destriksyon terib. Tou zabitan later pou ganny eksterminen.

Sofoni 1:2

La sa ki SENYER i deklare: Mon pou konpletman detri tou sa ki lo later.

Sofoni 1:3

Mon pou fer disparet tou et imen ek tou zannimo, bann zwazo dan lesyel ek bann pwason dan lanmer. Mon pou fer tonbe bann malfeter ek bann ki pous zot pour mal azir. Mon pou fer disparet tou bann et imen lo later, SENYER ki deklare.

Deterononm 28:63

SENYER ti kontan fer ou prospere e vin nonbre. Li menm SENYER pou kontan anmenn ou dan larin ek destriksyon; ou pou ganny derasinen dan sa pei ki ou pe al pran posesyon.

Deterononm 29:20

SENYER pa pou pardonn zot, akoz lakoler ek zalouzi SENYER pou monte kont zot. Tou bann malediksyon ki'n ganny ekri dan sa liv ava tonm lo zot e SENYER ava efas zot non anba lesyel.

1 Samyel 15:11

“Mon regrete ki mon'n fer Sail vin lerwa; in detournen avek mwan e i pa'n gard mon parol.” Sa ti fatig latet Samyel ki ti plere devan SENYER tou lannwit.