Zenez 6:6 - Labib An Kreol Seselwa

⁶ SENYER ti regrete ki i ti'n fer bann et imen e met zot lo later; i ti aflize.

Zenez 6:6 ပူးပေါင်းရင်းမြစ်များ

Zenez 6:7

I ti dir: Mon pou detri lo later bann et imen ki mon'n kree. Mon pou detri depi zonm, zannimo, pti bebet ek zwazo dan lesyel. Mon regrete mon'n kree zot.

2 Samyel 24:16

Amezir ki sa mesaze ti lev son lanmen lo Zerizalenm pour detri sa lavil, SENYER ti regret sa maler. I ti dir sa mesaze destrikter ki ti parmi lepep: Ase! Arete aprezan! Mesaze SENYER ti pre kot Aravna, sa Zebizit, i bat dible.

1 Kronik 21:15

I ti anvoy son lanz pour detri Zerizalenm. Me letan i ti pe detri li, SENYER ti war sa maler e i ti regrete. I ti dir avek lanz, “Ase, arete!” Dan sa moman, lanz SENYER ti pe debout pre avek landrwa kot Ornann, en Zebizit, ti bat dible.

Psonm 106:45

i ti rapel son lalyans avek zot. Dan son gran fidelite, i ti pran konpasyon pour zot.

Psonm 110:4

SENYER in fer sa serman e i pa pou sanze: Ou pret pour touzour, dapre lord Melkisedek.

Psonm 119:158

Ler mon get bann tret, mon ganny degou, akoz zot pa obei ou komannman.

Psonm 78:40

Souvan dan dezer, zot ti rebel kont li. Souvan zot ti ofans li dan dezer.

Psonm 81:13

Mon ti ava kontan si mon pep ti ekout mwan, si Izrael ti swiv mon semen!

Psonm 95:10

Sa zenerasyon in fer mwan degout zot pandan 40 an. Mon ti dir: Zot en pep ki lespri in egare avek mwan. Zot pa konn mon semen.

Egzod 32:14

Alor, SENYER pa ti fer dimal ki i ti'n dir i pou fer son pep.

Ezai 48:18

Si selman ou ti'n ekout mon bann komannman! Alor, ou ti ava'n prospere parey en larivyer e ou bann reisit parey bann laroul dan lanmer.

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Zeremi 18:7

Parfwa kan mon pe koz lo en nasyon oubyen en rwayonm, mon dir ki mon pou arase, ranverse, detri.

Zeremi 26:19

Eski lerwa Ezekyas ek lepep Zida ti fer Mise ganny touye pour sa? O kontrer, Ezekyas ti montre en gran respe pour SENYER e fer tou pour li ganny son faver. Alor, SENYER ti sanz son lide lo bann dezas ki i ti dir i pour anvoy lo zot. Fer atansyon ki nou pa anmenn en gran dezas lo nou menm.

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Zoel 2:13

Pa desir zot lenz, me plito zot leker. Retourn kot SENYER, zot Bondye, akoz i ranpli avek konpasyon ek pitye. I ranpli avek pasyans ek fidelite; i regret bann pinisyon.

Zonas 3:10

Kan Bondye ti war ki mannyer bann zabitan Niniv ti repanti, i pa ti pini zot parey i ti'n dir i pou fer. I pa ti detri lavil.

Malasi 3:6

Mwan, SENYER, mon pa sanze. Pour sa rezon ki zot, bann desandans Zakob, ki pa'n ganny eksterminen.

Nonm 23:19

Bondye pa parey zonm pour koz manti. I pa desandan zonm pour li sanz parol. Sa ki i dir i pou fer; sa ki i deklare i pou egzekite.

Romen 11:29

Annefe, don lagras ek swa ki Bondye i fer pa zanmen sanze.

Efezyen 4:30

Pa rann tris Lespri Sen ki Bondye in donn nou. Li menm garanti ki zour kan Bondye ava vin delivre nou konpletman pou vini.

Deterononm 32:29

Si zot ti saz, zot ti ava'n konpran sa; zot ti ava'n disern zot lavenir.

Deterononm 32:36

Annefe, SENYER pour ziz son pep; i pou pran pitye pour son bann serviter, akoz i pou war ki zot lafors in fini e ki nepli annan ni lesklav ni zonm lib.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

Ebre 3:10

Alor, mon ti pran lakoler avek sa pep. Mon ti dir: Zot leker i touzour egare avek mwan. Zot pa'n konpran mon semen.

Ebre 3:17

Kont ki, eski Bondye ti pran lakoler pandan 40 an? Pa kont sa bann ki ti ofans li, ki ti tonbe e mor dan dezer?

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.

1 Samyel 15:11

“Mon regrete ki mon'n fer Sail vin lerwa; in detournen avek mwan e i pa'n gard mon parol.” Sa ti fatig latet Samyel ki ti plere devan SENYER tou lannwit.

1 Samyel 15:29

Laglwar Izrael pa koz manti e i napa regre. I pa en et imen pour regrete.”

1 Samyel 15:35

Samyel pa ti revwar Sail ankor ziska son lanmor. Me Samyel ti sagren pour Sail. SENYER ti regrete ki i ti'n fer Sail lerwa Izrael.