Zenez 6:11 - Labib An Kreol Seselwa

¹¹ Bondye ti konstate ki later ti'n koronpi e ranpli avek vyolans.

Zenez 6:11 ပူးပေါင်းရင်းမြစ်များ

Zenez 10:9

Nimrod ti en gran saser devan SENYER. Se pour sa rezon ki zot ti dir: Parey Nimrod, en gran saser devan SENYER.

Zenez 13:13

Bann zabitan Sodonm ti move e zot ti komet bann aksyon tre grav kont SENYER.

Zenez 6:10

I ti ganny trwa garson: Senm, Kanm ek Zafet.

Zenez 7:1

SENYER ti dir Noe, “Antre dan lars, ou avek ou fanmir, akoz mon'n remarke ki dan sa zenerasyon zis ou ki fidel anver mwan.

2 Kronik 34:27

Ou leker in ganny touse e ou'n imilye ou devan mwan ler ou ti antann tou sa bann parol kont Zerizalenm e kont son bann zabitan. Ou'n imilye ou devan mwan, ou'n desir ou lenz e ou'n plere. Alor, mwan osi mon'n antann ou, SENYER i deklare.

Psonm 11:5

SENYER i teste dimoun ki zis. I deteste sa enn ki kontan vyolans.

Psonm 140:11

Pa les dimoun ki fer kalonmni, viv dan pei. Ki maler i pourswiv sa enn ki servi vyolans.

Psonm 55:9

SENYER! Konfiz plan mon bann lennmi. Met divizyon parmi zot, akoz mon war vyolans ek konfli dan lavil.

Egzod 32:7

SENYER ti dir Moiz, “Desann toudswit. Sa pep ki ou ti fer sorti Lezip in koronpi.

Ezai 60:18

Pou nepli antann koz lo vyolans dan ou pei, ni devastasyon ni destriksyon dan ou teritwar; ou pou apel ou bann miray delivrans e ou bann laport louanz.

Zeremi 6:7

Son mesanste i parey en sours ki kontinyen koule. Ou antann koz zis vyolans ek destriksyon. Partou, ou war zis blesir ek soufrans.

Ezekyel 28:16

Lenportans ou komers in ranpli ou avek vyolans e ou'n komet pese. Alor, mon ti sas ou lo montanny Bondye, e plas ou dan ran ordiner. Ou sa seriben protekter, mon'n fer ou disparet, parmi bann pyer presyez.

Ezekyel 8:17

I ti dir mwan, “Ou ki en imen, ou'n war sa? I pa ase ki zabitan Zida i komet sa bann keksoz degoutan isi? Eski zot bezwen ranpli sa pei avek vyolans pour provok mon lakoler plis ankor? Pour ensilte mwan, zot met en brans anba mon nennen.

Habakouk 1:2

SENYER! Ziska kan, mon pou kontinyen kriy osekour me ou pa ekoute? Ziska kan mon pou kriy ver ou kont vyolans? Me ou pa delivre mwan.

Habakouk 2:17

Vyolans kont Liban pou tourn kont ou; destriksyon bann zannimo pou fer ou per akoz disan imen, akoz vyolans kont pei, kont lavil e kont son bann zabitan.

Habakouk 2:8

Akoz ou'n depouy en kantite nasyon, akoz ou'n fer disan imen koule, akoz vyolans dan pei, dan lavil e kot tou son bann zabitan, leres bann pep pou depouy ou.

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Romen 2:13

Annefe, pa bann ki ekout Lalwa, ki ganny zistifye devan Bondye, me bann ki obei sa ki Lalwa i ordonnen, ki ganny zistifye.

Romen 3:19

Nou konnen ki tou sa ki Lalwa i dir, i dir pour sa bann ki viv anba lalwa. Konmsa, personn pa kapab ouver labous pour eskiz li, e lemonn antye ava ganny rekonnet koupab devan Bondye.

Deterononm 31:29

Annefe, mon konnen ki apre mon lanmor, zot pou vin koronpi, zot pa pou swiv semen ki mon'n ordonn zot. A lavenir, maler pou tonm lo zot, akoz zot pou fer sa ki mal devan SENYER e provok son lakoler par zot bann aksyon.

Ziz 2:19

Me ler bann ziz ti mor, zot ti rekonmans vin koronpi, plis ki zot bann zanset. Zot ti swiv lezot bondye, servi zot e prostern devan zot; zot pa ti renons zot bann move mannyer viv.