Zenez 50:5 - Labib An Kreol Seselwa

⁵ Avan son lanmor, mon papa, ti fer mwan fer en serman. I ti dir: Mon lanmor pe aprose. Ou ava anter mwan dan en tonbo ki mon'n prepare dan Kanaan. Les mwan monte pour al anter mon papa. Apre, mon ava retournen.”

Zenez 50:5 ပူးပေါင်းရင်းမြစ်များ

Zenez 3:19

Ou pou bezwen trimouse pour ganny ou nouritir ziska ki ou retourn dan lapousyer, kot ou sorti. Annefe, ou'n ganny tire dan lapousyer, ou pou retourn dan lapousyer.”

Zenez 48:21

Apre Izrael ti dir Zozef, “Mon pre pour mor. Bondye pou avek ou e i pou fer ou retourn dan pei ou bann zanset.

Zenez 50:24

En zour Zozef ti dir son bann frer, “Mon pre pour mor, me Bondye pou vin sekour zot e fer zot sorti dan sa pei e anmenn zot ver later ki i ti promet Abrahanm, Izaak ek Zakob.”

Zenez 50:4

Kan letan dey ti'n fini, Zozef ti dir avek bann dimoun dan lantouraz Faraon, “Mon sipliy zot, par lanmitye ki zot annan pour mwan, koz avek Faraon dan mon faver:

Zenez 50:6

Faraon ti reponn, “Ale! Al anter ou papa parey ou'n promet li.”

2 Kronik 16:14

I ti ganny antere Zerizalenm, dan en kavo ki li menm ti'n fer fouye dan ros. Zot ti depoz son lekor lo en ta prodwi aromatik ki bann anbonmer i fer e bril en gran kantite lansan an son loner.

Liv Zob 30:23

Mon konnen ou pe anmenn mwan ver lanmor, kot tou vivan i annan randevou.

Psonm 79:3

Zot in fer disan koule parey delo, toultour Zerizalenm. Ti napa personn pour anter dimoun mor.

Eklezyas 12:5

En pti monte i fer per, ou per marse lo semen; seve in vin blan parey en pye dibwa an fler; ou pou bezwen trennen parey en sotrel ki'n tonbe; tou gou lavi in disparet. Tou et imen i al ver son demer final. Deza laprosesyon lanterman pe defile lo semen.

Eklezyas 12:7

avan ki lapousyer i retourn dan later kot in ganny tire e souf lavi i retourn kot Bondye ki ti donn li.

Eklezyas 6:3

Si en zonm i ganny bokou zanfan e i viv en kantite lannen, menm si i viv lontan, me i pa profit boner lavi e ni menm annan en latonm ler i mor, mon dir ki en pti baba ki mor an nesan i pli ere ki li.

Ezai 22:16

Ki drwa ou annan isi? Dan ki fanmir ou sorti, pour ou dekoup en kavo dan ros? Lekel ki'n donn ou drwa pour tay en kavo debout dan ros pour ou?

Matye 27:60

I ti depoz li dan en tonbo nef, ki i ti'n fek fer fouye dan ros. Apre, i ti roul en gro ros devan lantre e i ti ale.

Deterononm 4:22

Annefe, mon pou mor isi dan sa pei; mon pa pou travers larivyer Zourden. Me zot, zot pe al traverse pour pran posesyon sa bon pei.

1 Samyel 14:43

Sail ti dir Zonatan, “Dir mwan ki ou'n fer.” Zonatan ti rakont li, “Mon ti gout en pe dimyel avek bout mon baton ki ti dan mon lanmen. Alor, mon pare pour mor.”