Zenez 50:25 - Labib An Kreol Seselwa

²⁵ Zozef ti demann bann garson Izrael fer sa promes, “Kan Bondye i fer zot sorti Lezip, anmenn mon lezo avek zot.”

Zenez 50:25 ပူးပေါင်းရင်းမြစ်များ

Zozye 24:32

Lezo Zozef ki pep Izrael ti'n anmenn avek zot depi Lezip, ti ganny antere Sikenm, dan sa morso later ki Zakob ti'n aste avek bann desandan Amor, fondater lavil Sikenm, pour 100 pyes larzan; sa later ti'n vin patrimwann bann desandan Zozef.

Egzod 13:19

Moiz ti pran bann lezo Zozef avek li, akoz Zozef ti'n demann pep Izrael fer en serman: Kan Bondye i delivre zot, zot ava anmenn mon lezo avek zot.

Ebre 11:22

Par lafwa, ver lafen son lavi, Zozef ti anonse ki bann Izraelit pou kit Lezip. I ti dir ki fodre fer avek son lezo.

Akt de Zapot 7:16

Zot lekor ti ganny transporte Sikenm e ganny antere dan en latonm ki Abrahanm ti'n aste pour en sonm larzan avek bann garson Hamor.

Zenez 50:5

Avan son lanmor, mon papa, ti fer mwan fer en serman. I ti dir: Mon lanmor pe aprose. Ou ava anter mwan dan en tonbo ki mon'n prepare dan Kanaan. Les mwan monte pour al anter mon papa. Apre, mon ava retournen.”

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Egzod 3:17

Alor, mon ti dir: Mon pou fer zot sorti Lezip kot zot pe soufer e anmenn zot dan pei bann Kananeen, bann Hitit, bann Amorit, bann Perizit, sa pei kot dile ek dimyel i koule.

Egzod 13:18

Me Bondye ti diriz zot atraver dezer par lanmer Rouz. Pep Izrael ti sorti Lezip pare pour lager.

Rit 1:6

Apre sa, Naomi avek son de belfiy ti kit lakanpanny Moab, akoz i ti'n aprann ki SENYER in montre son faver anver son pep e i'n donn zot en bon rekolt.