Zenez 50:24 - Labib An Kreol Seselwa

²⁴ En zour Zozef ti dir son bann frer, “Mon pre pour mor, me Bondye pou vin sekour zot e fer zot sorti dan sa pei e anmenn zot ver later ki i ti promet Abrahanm, Izaak ek Zakob.”

Zenez 50:24 ပူးပေါင်းရင်းမြစ်များ

Zenez 35:12

Sa pei ki mon'n donn Abrahanm ek Izaak, mon pou donn ou. Mon pou osi donn li ou desandans.

Zenez 26:3

Reste dan sa pei koman en etranze e mwan, mon pou avek ou, mon pou beni ou, akoz mon pou donn ou ek ou desandans sa bann pei. Mon pou gard serman ki mon ti fer avek ou papa, Abrahanm.

Zenez 28:13

SENYER ti pe debout devan li. I ti dir li, “Mwan menm SENYER, Bondye Abrahanm ou papa e Bondye Izaak. Mon pou donn ou ek ou desandans sa later kot ou pe dormi.

Zenez 48:21

Apre Izrael ti dir Zozef, “Mon pre pour mor. Bondye pou avek ou e i pou fer ou retourn dan pei ou bann zanset.

Zenez 46:4

Mwan ki pou al avek ou Lezip, e mon pou retourn avek ou. Se Zozef ki pou ferm ou lizye avek son prop lanmen.”

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

Zenez 15:7

I ti dir li, “Mwan menm SENYER ki'n fer ou sorti Our, dan pei bann Kaldeen pour donn ou sa pei koman ou posesyon.”

Zenez 13:17

Ale, eksplor sa pei antye, akoz mon pe donn ou tousala.”

Zenez 13:15

Mon pou donn ou avek ou desandans pour touzour, sa pei antye ki ou war devan ou.

Zenez 12:7

SENYER ti aparet avek Abranm. I ti dir li, “Mon pou donn sa pei ou desandans.” Abranm ti konstri en lotel la, pour SENYER ki ti'n aparet avek li.

Ebre 11:22

Par lafwa, ver lafen son lavi, Zozef ti anonse ki bann Izraelit pou kit Lezip. I ti dir ki fodre fer avek son lezo.

Ebre 9:27

Tou dimoun in destinen pour mor en sel fwa, e apre ganny zize par Bondye.

Romen 5:12

Pese in antre dan lemonn akoz en sel zonm: Adan. Pese in anmenn lanmor. E akoz nou tou nou'n komet pese, lanmor in tous tou bann et imen.

Eklezyas 12:7

avan ki lapousyer i retourn dan later kot in ganny tire e souf lavi i retourn kot Bondye ki ti donn li.

Eklezyas 12:5

En pti monte i fer per, ou per marse lo semen; seve in vin blan parey en pye dibwa an fler; ou pou bezwen trennen parey en sotrel ki'n tonbe; tou gou lavi in disparet. Tou et imen i al ver son demer final. Deza laprosesyon lanterman pe defile lo semen.

Liv Zob 30:23

Mon konnen ou pe anmenn mwan ver lanmor, kot tou vivan i annan randevou.

Deterononm 6:10

Kan SENYER, ou Bondye ava'n fer ou antre dan sa pei ki i'n promet avek ou bann zanset, Abrahanm, Izaak ek Zakob, pour li donn ou avek bann gran, zoli lavil ki ou pa ti konstri;

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Nonm 32:11

Akoz zot pa'n obei mwan, tou sa bann ki'n sorti Lezip, apartir laz 20 an, pa pou antre dan pei ki mon'n promet Abrahanm, Izaak, ek Zakob,

Egzod 33:1

SENYER ti dir Moiz, “Ale, ou avek sa pep ki ou'n delivre sorti Lezip e al dan sa later ki mon ti fer serman avek Abrahanm, Izaak ek Zakob an dizan: Mon pou donn sa later ou bann desandan.

Egzod 4:31

Lepep ti krwar. Kan zot ti aprann ki SENYER ti'n azir an faver bann Izraelit e ki i ti'n war zot soufrans, zot ti prosternen e ador SENYER.

Zenez 50:5

Avan son lanmor, mon papa, ti fer mwan fer en serman. I ti dir: Mon lanmor pe aprose. Ou ava anter mwan dan en tonbo ki mon'n prepare dan Kanaan. Les mwan monte pour al anter mon papa. Apre, mon ava retournen.”

Zenez 21:1

Parey i ti'n promet, SENYER ti entervenir an faver Sara. I ti azir anver Sara dapre son parol.

Zenez 17:8

Mon pou donn ou ek ou desandans apre ou, sa pei ki ou pe okipe koman en etranze. Pei Kanaan antye pou vin zot posesyon pour touzour; e mon pou vin zot Bondye.”

Zenez 3:19

Ou pou bezwen trimouse pour ganny ou nouritir ziska ki ou retourn dan lapousyer, kot ou sorti. Annefe, ou'n ganny tire dan lapousyer, ou pou retourn dan lapousyer.”

Zenez 15:8

Abranm ti dir, “Senyer BONDYE, ki mannyer mon pou konnen ki mon pou posed sa pei?”

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Egzod 13:19

Moiz ti pran bann lezo Zozef avek li, akoz Zozef ti'n demann pep Izrael fer en serman: Kan Bondye i delivre zot, zot ava anmenn mon lezo avek zot.

Zozye 24:32

Lezo Zozef ki pep Izrael ti'n anmenn avek zot depi Lezip, ti ganny antere Sikenm, dan sa morso later ki Zakob ti'n aste avek bann desandan Amor, fondater lavil Sikenm, pour 100 pyes larzan; sa later ti'n vin patrimwann bann desandan Zozef.

Zenez 47:29

Kan lanmor ti aprose, Zakob ti apel son garson Zozef. I ti dir li, “Si vreman ou kontan mwan, met ou lanmen anba mon kwis e promet mwan ki ou pa pou anter mwan dan Lezip. Mon sipliy ou, promet mwan

Egzod 12:41

Apre sa 430 an, zour pour zour, pep SENYER antye ti kit Lezip.

Egzod 12:51

Sa menm zour, SENYER ti delivre pep Izrael Lezip, organize an group koman en larme.