Zenez 49:3 - Labib An Kreol Seselwa

³ Riben, ou mon lene garson, mon lafors e premye fri mon viger; ou depas ou bann frer dan dinyite ek lafors.

Zenez 49:3 ပူးပေါင်းရင်းမြစ်များ

Zenez 29:32

Lea ti ansent e donn nesans en garson ki i ti apel Riben, savedir gete, i en garson. I ti dir, “SENYER in war mon soufrans. Aprezan, mon mari pou kontan mwan.”

Zenez 35:22

Pandan ki Izrael ti reste dan sa pei, Riben ti al dormi avek Bila, menazer son papa. Zakob ti antann sa. Zakob ti annan 12 garson:

Zenez 35:23

Bann garson ki i ti ganny avek Lea: Riben, lene, Simeon, Levi, Zida, Isakar, ek Zabilon.

Zenez 46:8

La non bann desandan Izrael, ki ti desann Lezip: Zakob ek son bann garson: Riben, premye garson Zakob.

Zenez 48:18

Zozef ti dir li, “Pa konmsa papa. La lene garson, met ou lanmen drwat lo son latet.”

1 Kronik 2:1

La bann garson Izrael: Riben, Simeon, Levi, Zida, Isakar, Zabilon,

1 Kronik 5:1

Riben ti premye garson Izrael. Me akoz i ti'n mank respe anver fanm son papa, son drwa lene garson ti ganny pase avek bann garson Zozef, garson Izrael. Pour sa rezon, i pa'n ganny anrezistre dan resansman dapre son drwa lene garson.

1 Kronik 5:3

La bann garson Riben lene garson Izrael: Henok, Palou, Hesronn, ek Karmi.

Psonm 105:36

I ti donn lord touy tou bann premye zanfan dan Lezip, fri zot premye semans.

Psonm 78:51

I ti touy tou bann zanfan premye ne dan Lezip ki sorti dan premye fri lafors Kanm.

Ezekyel 48:6

Akote par Efraim, pou vin teritwar Riben.

Nonm 1:20

Dan tribi Riben, premye ne Izrael, son desandan par sak klan ek fanmir, tou zonm ki'n ganny 20 an, an montan, tou sa ki kapab servi pour lager dan larme:

Nonm 26:5

Tribi Riben, premye garson Izrael; klan Henok, Palou.

Deterononm 21:17

I ava bezwen rekonnet sa garson ki i ti ganny avek sa fanm ki i pa kontan. Koman son premye ne, sa garson ava bezwen ganny doub par dan tou sa ki i posede. Annefe, sa garson i premye ne son virilite; li garson premye ne ki annan sa drwa.

Deterononm 27:13

La sa bann ki ava debout lo montanny Ebal pour pronons malediksyon: Riben, Gad, Azer, Zabilon, Dann ek Neftali.

Deterononm 33:6

Riben pou viv, i pa pou mor menm si i pa nonbre.

Revelasyon 3:14

Ekri Lanz pour Legliz dan Laodise: La sa ki Amenn, temwen fidel e vre, sa enn ki konmansman kreasyon Bondye i deklare: